കോട്ടയം : കുറവിലങ്ങാട് നിർമ്മാണത്തിലിരുന്ന കെട്ടിടത്തിന് സമീപം പിന്നോട്ട് എടുത്ത ടിപ്പർ ലോറി ഇടിച്ച് കെട്ടിട ഉടമയ്ക്ക് ദാരുണാന്ത്യം. ഞീഴൂർ വാക്കാട് ഐക്കരേട്ട് ജോസ് മാത്യു (64) ആണ് മരിച്ചത്. വ്യാഴാഴ്ച രാവിലെ ആയിരുന്നു അപകടം. കുറവിലങ്ങാട് വൈക്കം റോഡിൽ ചൂളയ്ക്കൽ ഷാപ്പിന് സമീപം നിർമ്മാണത്തിലിരുന്ന കെട്ടിടത്തിന് സമീപം ആണ് അപകടം ഉണ്ടായത്. നിർമ്മാണം നടന്നുകൊണ്ടിരുന്ന കെട്ടിടത്തിലേക്ക് ടിപ്പർ ലോറി പിന്നിലേക്ക് എടുക്കുകയായിരുന്നു. ഈ സമയം കെട്ടിടത്തിന് സമീപം നിന്നിരുന്ന ജോസ് മാത്യു ലോറിക്ക് അടിയിൽ പെടുകയായിരുന്നു. അപകടവിവരം അറിഞ്ഞ് ഇദ്ദേഹത്തെ നാട്ടുകാർ ചേർന്ന് ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു. മൃതദേഹം ആശുപത്രി മോർച്ചറിയിലേക്ക് മാറ്റി.
Advertisements
