കോട്ടയം : കോട്ടയം മണിമലയിൽ മകനോടുള്ള വിരോധം വഴിയിൽ പതിയിരുന്ന് പിതാവിനെ ആക്രമിച്ച കേസിൽ രണ്ട് പ്രതികൾ പിടിയിൽ. മണിമല കറിക്കാട്ടൂർ കുന്നേൽ വീട്ടിൽ ബിജു മകൻ വിനീത് കെ. ബി (31), വെള്ളാവൂർ പള്ളത്തുപാറ കിഴക്കേക്കര വീട്ടിൽ പുരുഷോത്തമൻ നായർ മകൻ രമേഷ് കുമാർ(43) എന്നിവരെ ആണ് മണിമല പോലീസ് അറസ്റ്റ് ചെയ്തത്.
മണിമല കരിക്കാട്ടൂർ സ്വദേശിയുടെ മകനോട്‌ ഈ കേസിലെ രണ്ടാം പ്രതിയായ രമേശിന് ഉണ്ടായ വിരോധം മൂലം പ്രതി കഴിഞ്ഞ 18 ന് രാത്രി 11 മണിയോടെ തന്റെ സുഹൃത്തുക്കളുമായി യുവാവിന്റെ വീട്ടിൽ ചോദിക്കാനായി ചെല്ലുകയും വഴിയിൽ വച്ച് കണ്ട യുവാവിന്റെ പിതാവിനെ തടഞ്ഞുനിർത്തി ചീത്ത വിളിക്കുകയും പ്രതികൾ ചേർന്ന് കയ്യിൽ കരുതിയ കമ്പി വടി ഉപയോഗിച്ച് അടിക്കുകയും കൈ ഉപയോഗിച്ച് മർദ്ദിക്കുകയും ചെയ്തു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
പ്രതികൾ ഇരുവരും നിരവധി ക്രിമിനൽ കേസുകളിൽ പ്രതിയാണ്. 19 ന് രാത്രിയിൽ മണിമല പോലീസ് അറസ്റ്റ് ചെയ്ത ഒന്നും രണ്ടും പ്രതികളെ ഇന്ന് കോടതിയിൽ ഹാജരാക്കി റിമാൻഡ് ചെയ്തു.