കോട്ടയം : അമിതവേഗത്തിൽ എതിർ ദിശയിൽ എത്തിയ കെഎസ്ആർടിസി ബസ് കണ്ടു വെട്ടിച്ചു മാറ്റുന്നതിനിടെ നിയന്ത്രണം നഷ്ടമായ കാർ റോഡരികിലെ കടയിലേക്ക് ഇടിച്ചു കയറി. കോട്ടയം കഞ്ഞിക്കുഴിയിൽ റോഡരികിലായിരുന്നു അപകടം. കഞ്ഞിക്കുഴി ജംഗ്ഷനിലെ തരംഗ സിൽക്സിലേക്കാണ് കാർ ഇടിച്ചു കയറിയത്. ബുധനാഴ്ച ഉച്ചയ്ക്ക് 12.30 ഓടു കൂടിയായിരുന്നു സംഭവം. കളത്തിപ്പടി ഭാഗത്തുനിന്നും കെ കെ റോഡിലൂടെ എത്തിയ കാർ ഇറഞ്ഞാൽ റോഡിലേയ്ക്ക് തിരിയുന്നതിനായി റോഡിന് നടുവിൽ വേഗം കുറച്ചു. ഇതിനിടെ എതിർ ദിശയിൽ നിന്നും അമിതവേഗത്തിൽ എത്തിയ കെഎസ്ആർടിസി ബസ് കണ്ട ഡ്രൈവറുടെ നിയന്ത്രണം നഷ്ടമാവുകയായിരുന്നു. തുടർന്ന് കാർ റോഡരികിലെ വസ്ത്ര വ്യാപാരശാലയിലേക്ക് ഇടിച്ചു കയറി. അപകടത്തിൽ ആർക്കും പരിക്കേറ്റില്ല. യുവതിയാണ് കാർ ഓടിച്ചിരുന്നത്.
Advertisements
