കോട്ടയം: മരങ്ങാട്ടുപള്ളിയിൽ ടാങ്കർ ലോറിയും ബൈക്കും കൂട്ടിയിടിച്ച് വീട്ടമ്മയ്ക്ക് ദാരുണാന്ത്യം. മരങ്ങാട്ടുപള്ളി പാലാ റോഡിൽ വ്യാഴാഴ്ച രാവിലെയായിരുന്നു അപകടം. മരിച്ചയാളെ തിരിച്ചറിഞ്ഞിട്ടില്ല. മരങ്ങാട്ടുപള്ളി – പാലാ റോഡിലൂടെ ബൈക്കിൽ സഞ്ചരിക്കുകയായിരുന്നു വീട്ടമ്മ. ഇവർ സഞ്ചരിച്ച ബൈക്കിൽ എതിർ ദിശയിൽ നിന്നും എത്തിയ ടാങ്കർ ലോറി ഇടിയ്ക്കുകയായിരുന്നു.
Advertisements
ഇടിയുടെ ആഘാതത്തിൽ ഇവരുടെ ശരീരത്തിലൂടെ ടാങ്കർ ലോറിയുടെ ചക്രങ്ങൾ കയറിയിറങ്ങി. തലക്ഷണം ഇവരുടെ മരണം സംഭവിച്ചു. ഒപ്പമുണ്ടായിരുന്ന ബൈക്ക് ഓടിച്ചിരുന്ന യുവാവിന് പരിക്കേറ്റിട്ടുണ്ട്. ഇയാളുടെ ആശുപത്രിയിൽ പ്രവേശിപ്പിച്ചു. അപകടത്തെ തുടർന്നു മരങ്ങാട്ടുപള്ളി പാലാ റോഡിൽ ഗതാഗത തടസവും ഉണ്ടായി. സംഭവം അറിഞ്ഞ് മരങ്ങാട്ടുപള്ളി പൊലീസ് സ്ഥലത്ത് എത്തിയിട്ടുണ്ട്.
