കോട്ടയം : മണർകാട് ഇല്ലിമലവിൽ നിയന്ത്രണം നഷ്ടമായ പിക്കപ്പ് ജീപ്പ് റോഡരികിലെ കടയിലേക്ക് വിളിച്ചു കയറി. കാൽനട യാത്രക്കാരിയെ പിടിക്കാതിരിക്കാൻ വെട്ടിച്ചു മാറ്റിയ ജീപ്പ് ആണ് കടയിലേക്ക് ഇടിച്ചു കയറിയത്. കട പൂർണ്ണമായും തകർന്നു. കടയിൽ സൂക്ഷിച്ചിരുന്ന ബൈക്കും തകർന്നിട്ടുണ്ട്. വ്യാഴാഴ്ച പുലർച്ചെ ദേശീയപാതയിൽ മണർകാട് ഇല്ലിവളവിന് സമീപം ആയിരുന്നു അപകടം. പാമ്പാടിയിൽ നിന്നും മണർകാട് ഭാഗത്തേക്ക് പോകുകയായിരുന്നു പിക്കപ്പ് ജീപ്പ്. വൺവേ ഭാഗത്തേക്ക് കയറുകയായിരുന്നു ജീപ്പ് റോഡരികിലൂടെ നടന്നുപോയ കാൽനട യാത്രക്കാരിയെ ഇടിക്കാതിരിക്കാൻ വെട്ടിച്ചു മാറ്റുന്നതിനിടെ കടയിലേക്ക് ഇടിച്ചു കയറുകയായിരുന്നു. കട ഏതാണ്ട് പൂർണ്ണമായും തകർന്നു. ഇവിടെ വെച്ചിരുന്ന ബൈക്കും പൂർണമായും തകർന്നിട്ടുണ്ട്. പിക്കപ്പ് ജീപ്പ് തലകീഴായി മറിയുകയും ചെയ്തു. ജീപ്പ് ഡ്രൈവർക്കും ഉള്ളിൽ ഉണ്ടായിരുന്ന സഹായിക്കും പരിക്കേറ്റിട്ടുണ്ട്.
