കോട്ടയം: കോട്ടയം നഗരമധ്യത്തിൽ വീണ്ടും എം.ഡിഎം.എ വേട്ട. കാരാപ്പുഴ സ്വദേശിയായ യുവാവിനെ 40 ഗ്രാം എംഡിഎംഎയുമായി കോട്ടയം വെസ്റ്റ് പൊലീസ് പിടികൂടി. കാരാപ്പുഴ സ്വദേശിയായ ഗോകുൽ സുരേഷിനെയാണ് ജില്ലാ പൊലീസ് മേധാവി കെ.കാർത്തിക്കിന്റെ ലഹരി വിരുദ്ധ സംഘവും കോട്ടയം വെസ്റ്റ് സ്‌റ്റേഷൻ ഹൗസ് ഓഫിസർ ഇൻസ്‌പെക്ടർ കെ.ആർ പ്രശാന്ത്കുമാറിന്റെയും നേതൃത്വത്തിലുള്ള സംഘവും ചേർന്നു പിടികൂടിയത്. കോട്ടയം വെസ്റ്റ് എസ്ഐ ടി.ശ്രീജിത്തും ലഹരി വിരുദ്ധ സേനാംഗങ്ങളും ചേർന്നാണ് പ്രതിയെ പിടികൂടിയത്.
Advertisements
കോട്ടയത്ത് മാസങ്ങൾക്കു മുൻപ് എം.ഡിഎംഎ എത്തിച്ച കേസിലെ പ്രതിയായ സുന്ദറിന്റെ കേസുമായി ബന്ധപ്പെട്ടാണ് ഇയാളെ പിടികൂടിയതെന്നാണ് സൂചന. കോട്ടയം നഗരത്തിൽ വിൽപ്പനയ്ക്കായി എത്തിച്ച എംഡിഎംഎയാണ് ഇയാളിൽ നിന്നും പിടികൂടിയത്.
