കോട്ടയം : പാറമ്പുഴയിലും പരിസരത്തും വൈദ്യുതി മുടക്കം പതിവാകുന്നതായി പരാതി. ഒരു മാസത്തോളമായി പാറമ്പുഴയിലും പരിസരത്തും സ്ഥിരമായി പല തവണ വൈദ്യുതി മുടങ്ങുന്നതായാണ് പരാതി. പറമ്പുഴ , പൈപ്പ് ലൈൻ റോഡ് , ബണ്ട് റോഡ് പ്രദേശങ്ങളിലാണ് വൈദ്യുതി മുടക്കം പതിവാകുന്നത്. ഒരു ദിവസം പത്തും പതിനഞ്ചും തവണ വൈദ്യുതി മുടങ്ങുന്നതായാണ് പരാതി. ഇതോടെ പ്രദേശത്തെ നിരവധി വീടുകളും സ്ഥാപനങ്ങളും ആണ് ബുദ്ധിമുട്ടിലായിരിക്കുന്നത്. പ്രദേശത്തെ സ്ഥാപനങ്ങളുടെ പ്രവർത്തനത്തെ പോലും ഈ വൈദ്യുതി മുടക്കം സാരമായി ബാധിക്കാറുണ്ട്. കോട്ടയം ഈസ്റ്റ് വൈദ്യുതി സെക്ഷൻ പരിധിയിലാണ് പ്രദേശം. അടിയന്തരമായി കോട്ടയം ഈസ്റ്റ് വൈദ്യുതി സെക്ഷൻ അധികൃതർ വിഷയത്തിൽ ഇടപെട്ട് പ്രശ്നത്തിന് പരിഹാരം കാണണമെന്ന് നാട്ടുകാർ ആവശ്യപ്പെട്ടു.
Advertisements
