കോട്ടയം: എംസി റോഡിൽ ഏറ്റുമാനൂർ പട്ടിത്താനത്ത് വാഹനാപകടം. നിയന്ത്രണം നഷ്ടമായ കാർ റോഡരികിലെ വൈദ്യുതി പോസ്റ്റിലേയ്ക്കു ഇടിച്ചു കയറി യുവാവിന് പരിക്കേറ്റു. നട്ടാശേരി ലോകോളേജ് വിദ്യാർത്ഥിയായ മോനിപ്പള്ളി സ്വദേശിയായ ഗോവിന്ദരാജ് (22)നെ പരിക്കുകളോടെ കോട്ടയം തെള്ളകം കാരിത്താസ് ആശുപത്രിയിൽ പ്രവേശിപ്പിച്ചു.
Advertisements
തിങ്കളാഴ്ച രാവിലെ ഒൻപത് മണിയോടെ പട്ടിത്താനം ഇറക്കത്തിലായിരുന്നു അപകടം. മോനിപ്പള്ളിയിൽ നിന്നും കോളേജിലേയ്ക്കു വരികയായിരുന്നു യുവാവ്. എംസി റോഡിൽ പട്ടിത്താനം ഇറക്കത്തിൽ നിയന്ത്രണം നഷ്ടമായ കാർ റോഡരികിലെ വൈദ്യതി പോസ്റ്റിലേയ്ക്കു ഇടിച്ചു കയറുകയായിരുന്നു. അപകടത്തെ തുടർന്നു കാറിന്റെ മുൻഭാഗം പൂർണമായും തകർന്നു. തലയ്ക്ക് സാരമായി പരിക്കേറ്റ വിദ്യാർത്ഥിയെ ഹൈവേ പെട്രോളിംങ് സംഘമാണ് ആശുപത്രിയിൽ എത്തിച്ചത്. ഇയാളുടെ പരിക്ക് ഗുരുതരമല്ല.
