കോട്ടയം: മൂലവട്ടം മേൽപ്പാലത്തിനു സമീപം വഴിതെറ്റിയെത്തിയ കണ്ടെയ്‌നർ ലോറി ഒരു പ്രദേശത്തെയാകെ ഇരുട്ടിലാക്കി. മൂലവട്ടം മേൽപ്പാലം റോഡിലൂടെ എത്തിയ കണ്ടെയ്‌നർ ലോറിയിൽ ഉടക്കി പ്രദേശത്തെ വൈദ്യുതി ലൈനുകൾ പൊട്ടി വീണു. ഇതോടെ ഒരൂ പ്രദേശമാകെ ഇരുട്ടിലായി മാറി. ചൊവ്വാഴ്ച രാത്രി 11 മണിയോടെ മണിപ്പുഴ ഗസ്റ്റ് ഹൗസ് റോഡിലായിരുന്നു സംഭവം. മണിപ്പുഴയിൽ നിന്നും എംസി റോഡ് വഴി പോകേണ്ട കണ്ടെയ്‌നർ ലോറിയാണ് വഴി തെറ്റി മേൽപ്പാലം വഴി കയറിയെത്തിയത്. മേൽപ്പാലം ഇറങ്ങിയ ശേഷം മുന്നോട്ട് പോകുന്നതിനിടെ കണ്ടെയ്‌നർ ലോറിയിൽ ഉടക്കി വൈദ്യുതി ലൈൻ പൊട്ടി വീഴുകയായിരുന്നു. ഇതോടെ പ്രദേശമാകെ ഇരുട്ടിലായി മാറി. തുടർന്ന് കെഎസ്ഇബി അധികൃതർ സ്ഥലത്ത് എത്തിവൈദ്യുതി ബന്ധം പുനസ്ഥാപിക്കുന്നതിനുള്ള ജോലികൾ ആരംഭിച്ചിട്ടുണ്ട്.
Advertisements
