കോട്ടയം: മുട്ടമ്പലം സ്വദേശിയായ യുവാവ് കോയമ്പത്തൂരിലുണ്ടായ വാഹനാപകടത്തിൽ മരിച്ചു. മുട്ടമ്പലം ഒഴുകയിൽ സണ്ണിയുടെ മകൻ റോയി (അപ്പു -21)ആണ് മരിച്ചത്. പാലക്കാട് – കോയമ്പത്തൂർ ഹൈവേയിലുണ്ടായ അപകടത്തിലാണ് യുവാവ് മരിച്ചത്. സ്വകാര്യ ആവശ്യത്തിനായാണ് അപ്പു കോയമ്പത്തൂരിലേയ്ക്കു പോയത്. ഇവിടെയുണ്ടായ അപകടത്തിൽ അപ്പുമരിച്ചതായാണ് ബന്ധുക്കൾക്കു ലഭിച്ച വിവരം. തുടർന്ന്, ബന്ധുക്കൾ കോയമ്പത്തൂരിലേയ്ക്കു തിരിച്ചിട്ടുണ്ട്. സംഭവത്തിൽ കേസെടുത്ത പൊലീസ് അന്വേഷണം ആരംഭിച്ചിട്ടുണ്ട്. പോസ്റ്റ് മോർട്ടത്തിന് ശേഷം മൃതദേഹം ഞായറാഴ്ച കോട്ടയം മുട്ടമ്പലത്തെ വീട്ടിലെത്തിക്കും.
Advertisements
