കോട്ടയം: കാരാപ്പുഴയിൽ നിന്നും കാണാതായ പെൺകുട്ടി തിരികെ വീട്ടിലെത്തി. കഴിഞ്ഞ ദിവസം രാത്രിയിൽ വീട്ടിൽ നിന്നും കാണാതായ പെൺകുട്ടിയാണ് ഞായറാഴ്ച രാവിലെ ഒൻപത് മണിയോടെ വീട്ടിൽ തിരികെ എത്തിയത്. പെൺകുട്ടിയെ കാണാനില്ലെന്നു കാട്ടി ബന്ധുക്കൾ പൊലീസിൽ പരാതി നൽകിയിരുന്നു. ഈ പരാതിയുടെ അടിസ്ഥാനത്തിൽ പൊലീസ് സംഘം അന്വേഷണം നടത്തുകയായിരുന്നു. ഇതിനിടെയാണ് പെൺകുട്ടി രാവിലെ ഒൻപത് മണിയോടെ വീട്ടിൽ തിരികെ എത്തിയത്. സംഭവത്തിൽ പൊലീസ് മിസിംങിന് കേസെടുത്തിട്ടുണ്ട്. പെൺകുട്ടിയുടെ മൊഴി രേഖപ്പെടുത്തുമെന്നു പൊലീസ് അറിയിച്ചു.
Advertisements
