കോട്ടയം: കോട്ടയം കിളിരൂർ എസ്.എൻ.ഡി.പി ഹയർ സെക്കൻഡറി സ്‌കൂളിലെ ആർ.ശങ്കർ സ്മാരക മന്ദിരത്തിന്റെയും പ്ലാറ്റിനം ജൂബിലി ആഘോഷങ്ങളുടെയും ഉദ്ഘാടനം ജൂൺ 15 വ്യാഴാഴ്ച നടക്കും. രാവിലെ പത്തിന് എസ്.എൻ.ഡി.പി യോഗം ജനറൽ സെക്രട്ടറി വെള്ളാപ്പള്ളി നടേശൻ പരിപാടികൾ ഉദ്ഘാടനം ചെയ്യും. ആർ.ശങ്കർ സ്മാരക മന്ദിരം എസ്.എൻ.ഡി.പി യോഗം ജനറൽ സെക്രട്ടറി വെള്ളാപ്പള്ളി നടേശൻ ഉദ്ഘാടനം ചെയ്യും. പ്ലാറ്റിനം ജൂബിലി ആഘോഷങ്ങളുടെ ഉദ്ഘാടനം മന്ത്രി വി.എൻ വാസവൻ ഉദ്ഘാടനം ചെയ്യും. എം.കെ കുട്ടൻ സ്്മാരക ഓഡിറ്റോറിയം മന്ത്രി പി.പ്രസാദ് ഉദ്ഘാടനം ചെയ്യും. തോമസ് ചാഴികാടൻ എം.പി, തിരുവഞ്ചൂർ രാധാകൃഷ്ണൻ എം.എൽ.എ എന്നിവർ പങ്കെടുക്കും.
ശാഖായോഗം പ്രസിഡന്റും സ്‌കൂൾ മാനേജരുമായ എം.കെ മോഹനൻ അടിവാക്കൽ യോഗത്തിൽ അധ്യക്ഷത വഹിക്കും. കുറിച്ചി അദ്വൈത വിദ്യാശ്രമം സെക്രട്ടറി കൈവല്യാനന്ദ സ്വാമി അനുഗ്രഹ പ്രഭാഷണം നടത്തും. ഒരു വർഷം നീണ്ടു നിൽക്കുന്ന പ്ലാറ്റിനം ജൂബിലി ആഘോഷപരിപാടികളാണ് ഇവിടെ നടക്കുക. എസ്.എൻ.ഡി.പി യോഗം കൗൺസിൽ എ.ജി തങ്കപ്പൻ, എസ്.എൻ.ഡി.പി യോഗം കോട്ടയം യൂണിയൻ പ്രസിഡന്റ് എം.മധു, സെക്രട്ടറി ആർ.രാജീവ്, യൂത്ത്മൂവ്‌മെന്റ് കേന്ദ്ര സമിതി വൈസ് പ്രസിഡന്റ് സജീഷ് കുമാർ മണലേൽ എന്നിവർ മുഖ്യസന്ദേശം നൽകും.
