കോട്ടയം: കോടിമത കൊടൂരാറ്റിൽ കുളിക്കാനിറങ്ങിയ ഇതര സംസ്ഥാന തൊഴിലാളി മുങ്ങി മരിച്ചു.അസം സ്വദേശിയായ ഫത്രാസാണ് (25) മരിച്ചത്. സമീപത്തെ ഹോട്ടലിൽ പുല്ലുവെട്ടൽ അടക്കമുള്ള ജോലികൾക്ക് എത്തിയതാണ് ഇയാളെന്നു പറയപ്പെടുന്നു. നെയാണ് ആറ്റിൽ വീണ് കാണാതായത്. തുടർന്ന് ആറ്റിൽ കുളിക്കാൻ ഇറങ്ങിയതായിരുന്നു. ഇതിനിടെ ഒഴുക്കിൽപ്പെട്ട് ഇയാളെ കാണാതാകുകയായിരുന്നുവെന്നാണ് ലഭിക്കുന്ന വിവരം. ആറ്റിൽ ഇയാളും സുഹൃത്തുക്കളും മത്സരിച്ചു നീന്തുകയായിരുന്നു. ഇതിനിടെ ഒഴുക്കിൽപ്പെട്ടാണ് അസം സ്വദേശിയെ കാണാതായതെന്നും വിവരമുണ്ട്. കോട്ടയത്ത് നിന്നും അഗ്നിരക്ഷാ സേനാ സംഘം സ്ഥലത്ത് എത്തി നടത്തിയ തിരച്ചിലിലാണ് മൃതദേഹം കണ്ടെത്തിയത്. ചിങ്ങവനം പൊലീസും സ്ഥലത്ത് എത്തി.
Advertisements
