കോട്ടയം : പാമ്പാടി കൂരോപ്പടയിൽ പെരുമ്പാമ്പിനെ പിടികൂടിയത് സാഹസികമായി. നൂറ് കണക്കിന് ആളുകൾ മണിക്കൂറുകളോളം തടിച്ചു കൂടി ശബ്ദമുണ്ടാക്കിയിട്ടും രക്ഷ പെടാൻ ശ്രമിക്കാതിരുന്ന പാമ്പിനെ റെസ്‌ക്യൂ ടീം വളരെ പണിപ്പെട്ടാണ് വലയിലാക്കിയത്. കരിയിലകൾക്കുള്ളിൽ തോട്ടത്തിൽ ഒളിച്ച പെരുമ്പാമ്പിന്റെ ചെറിയ ഭാഗം മാത്രമായിരുന്നു പുറത്ത് കണ്ടത്.
Advertisements
ഇത് പെരുമ്പാമ്പ് അല്ല എന്ന നിലയിലുള്ള സംശയങ്ങളും നാട്ടുകാർ ഉന്നയിച്ചിരുന്നു. എന്നാൽ റെസ്‌ക്യൂ ടീം എത്തി പാമ്പിനെ പിടി കൂടാൻ ആരംഭിച്ചതോടെ പാമ്പ് അക്രമാസക്തമാവുകയായിരുന്നു. ഉദ്യോഗസ്ഥർ കൊണ്ടു വന്ന സഞ്ചിയിൽ കയറാൻ കൂട്ടാക്കാതിരുന്ന പാമ്പ് സമീപത്ത് തടിച്ചു കൂടിയ ജനങ്ങൾക്ക് നേരെയും തിരിഞ്ഞു. എന്നാൽ റെസ്‌ക്യൂ ടീമിലെ ഐജുവിന്റെ നേതൃത്വത്തിൽ പാമ്പിനെ സാഹസികമായി വലയിലാക്കുകയായിരുന്നു.
