കോട്ടയം: കുടമാളൂർ പുളിഞ്ചോട്ടിൽ കിണർ വൃത്തിയാക്കാനിറങ്ങിയ ആൾ കിണറ്റിൽ കുടുങ്ങി. പുളിഞ്ചോട് പ്രശസ്തി ടെക്‌സ്റ്റൈൽസിനു എതിർവശത്തെ വീടിന്റെ കിണറ്റിലാണ് വൃത്തിയാക്കാനിറങ്ങിയ ആൾ കുടുങ്ങിയത്. തിങ്കളാഴ്ച വൈകിട്ട് അഞ്ചു മണിയോടെയായിരുന്നു സംഭവം. കിണർ വൃത്തിയാക്കാനായി ഇറങ്ങിയ ആൾ കിണറ്റിൽ കുടുങ്ങുകയായിരുന്നു. തുടർന്നു നാട്ടുകാരും ഒപ്പമുണ്ടായിരുന്നവരും ചേർന്ന് രക്ഷപെടുത്താൻ ശ്രമിച്ചെങ്കിലും സാധിച്ചില്ല. തുടർന്ന്, നാട്ടുകാർ വിവരം അഗ്നിരക്ഷാ സേനയെ അറിയിച്ചു. ഇതിന് ശേഷം സ്ഥലത്ത് എത്തിയ അഗ്നിരക്ഷാ സേനാ സംഘം ഇദ്ദേഹത്തെ കിണറ്റിൽ നിന്നും രക്ഷപെടുത്തി.
Advertisements
