കോട്ടയം: മണർകാട് മെർലിൻ ബാറിലുണ്ടായ സംഘർഷത്തിൽ നാലു യുവാക്കൾക്ക് പരിക്ക്. ഇരു വിഭാഗങ്ങൾ തമ്മിലുണ്ടായ സംഘർഷത്തിലാണ് നാലു യുവാക്കൾക്ക് പരിക്കേറ്റത്. മാങ്ങാനം സ്വദേശി അരുൺ (32), മണർകാട് സ്വദേശി വൈശാഖ് (30), പയ്യപ്പാടി സ്വദേശി ടിബിൻ (34), പുതുപ്പള്ളി സ്വദേശി സന്തോഷ് (38) എന്നിവർക്കാണ് പരിക്കേറ്റത്. ഇവരെ കോട്ടയം ജില്ലാ ജനറൽ ആശുപത്രിയിൽ പ്രവേശിപ്പിച്ചു. ഞായറാഴ്ച രാത്രി പത്തു മണിയോടെയായിരുന്നു സംഭവം. മണർകാട് മെർലിൻ ബാറിൽ ഇരുവിഭാഗം യുവാക്കൾ തമ്മിൽ സംഘർഷം ഉണ്ടാകുകകയായിരുന്നു. മദ്യപിക്കുന്നതിനിടെയുണ്ടായ വാക്കേറ്റമാണ് ഇരുവിഭാഗങ്ങൾ തമ്മിലുള്ള സംഘർഷത്തിൽ കലാശിച്ചത്.
Advertisements
