കോട്ടയം : നാഗമ്പടത്ത് പെർമിറ്റില്ലാതെ ഓടാനെത്തിയ ഓട്ടോയെ വിലക്കിയ ഡ്രൈവർക്ക് മർദ്ദനം. നാഗമ്പടം മേൽപ്പാലത്തിന് സമീപത്തെ സ്റ്റാൻഡിലെ ഓട്ടോ ഡ്രൈവറായ കെ.ആർ ഷാജിമോനാണ് മർദ്ദനമേറ്റത്. ചൊവ്വാഴ്ച രാവിലെ ആറ് മണിയോടെ കോട്ടയം നാഗമ്പടം മേൽപ്പാലത്തിന് സമീപമായിരുന്നു സംഭവം. നാഗമ്പടം മേൽപ്പാല .ത്തിന് സമീപം ഓട്ടോ സ്റ്റാൻഡിൽ ഓട്ടോ ഓടുന്നത് സംബന്ധിച്ച് തർക്കം നില നിന്നിരുന്നു. സ്റ്റാൻഡിൽ ടൗൺ പെർമിറ്റ് ഇല്ലാതെ സർവീസ് നടത്തുന്ന ഓട്ടോറിക്ഷകൾക്ക് വിലക്ക് ഏർപ്പെടുത്തിയിരുന്നു. ഇതിന് പിന്നാലെ രാവിലെ സ്റ്റാൻഡിൽ ടൗൺ പെർമിറ്റ് ഇല്ലാത്ത ഓട്ടോ ഓടാനെത്തി. ഇതിനെ ഷാജിമോൻ ചോദ്യം ചെയ്തു. ഇതേ തുടർന്ന് , ടൗൺ പെർമിറ്റ് ഇല്ലാത്ത ഓട്ടോറിക്ഷയിൽ എത്തിയ ഓട്ടോ ഡ്രൈവർ ഷാജി മോനെ മർദിക്കുകയായിരുന്നു. സംഭവത്തിൽ ഷാജിമോൻ കോട്ടയം ഈസ്റ്റ് പൊലീസ് സ്റ്റേഷനിൽ എത്തി പരാതി നൽകി.
Advertisements
