പാലാ : കോട്ടയം പാലായിൽ ഇന്നുണ്ടായ മൂന്ന് അപകടങ്ങളിൽ മൂന്ന് പേർക്ക് പരിക്ക്. പൂഞ്ഞാർ റാന്നി കൊഴുവനാൽ സ്വദേശികൾക്കാണ് പരിക്കേറ്റത്. പരിക്കേറ്റവരെ ചേർപ്പുങ്കൽ മാർ സ്ലീവാ മെഡിസിറ്റിയിൽ പ്രവേശിപ്പിച്ചു. രാവിലെ പത്ത് മണിയ്ക്കാണ് രണ്ട് അപകടം ഉണ്ടായത് ഒരെണ്ണം ഉണ്ടായത് വൈകിട്ട് മൂന്ന് മണിയോടെയാണ്. വൈകിട്ട് മൂന്നരയോടെ കൊഴുവനാൽ മലയിരുത്തി ഭാഗത്തുണ്ടായ അപകടത്തിൽ കൊഴുവനാൽ സ്വദേശി അനന്ദു (23 )വിനെ ചേർപ്പുങ്കൽ മാർ സ്ലീവാ മെഡിസിറ്റിയിൽ പ്രവേശിപ്പിച്ചു. ടയർ പൊട്ടിയതിനെ തുടർന്നു കാറിന്റെ നിയന്ത്രണം വിടുകയായിരുന്നു. നിയന്ത്രണം വിട്ട ബൈക്ക് മതിലിൽ ഇടിച്ചു പരുക്കേറ്റ റാന്നി സ്വദേശി ജോബിനെ (31) ചേർപ്പുങ്കൽ മാർ സ്ലീവാ മെഡിസിറ്റിയിൽ പ്രവേശിപ്പിച്ചു. 10 മണിയോടെ ഈരാറ്റുപേട്ട ഇളപ്പുങ്കൽ ഭാഗത്തായിരുന്നു അപകടം. സ്കൂട്ടറുകൾ തമ്മിൽ കൂട്ടിയിടിച്ചു പരുക്കേറ്റ പൂഞ്ഞാർ സ്വദേശി ജോസിയ യെ(26) ചേർപ്പുങ്കൽ മാർ സ്ലീവാ മെഡിസിറ്റിയിൽ പ്രവേശിപ്പിച്ചു.രാവിലെ 10 മണിയോടെ പൂഞ്ഞാർ ഭാഗത്തു വച്ചായിരുന്നു അപകടം.
