കോട്ടയം: പാമ്പാടിയിൽ എടിഎം കൌണ്ടറിന് തീ പിടിച്ചു. വൈകിട്ട് ഏഴു മണിയോടെയാണ് പാമ്പാടി ടൌണിലെ എടിഎം കൌണ്ടറിന് തീ പിടിച്ചത്. തീയും പുകയും ഉയരുന്നത് കണ്ട് നാട്ടുകാരാണ് വിവരം അഗ്നിരക്ഷാ സേനയിലും പൊലീസിലും അറിയിച്ചത്. പാമ്പാടി ടൌണിലെ തന്നെ സൌത്ത് ഇന്ത്യൻ ബാങ്കിൻ്റെ എടിഎം കൌണ്ടറിനാണ് തീ പിടിച്ചത്. സ്ഥലത്ത് എത്തിയ അഗ്നിരക്ഷാ സേനാ സംഘം തീ അണച്ചു. തിങ്കളാഴ്ച വൈകീട്ട് എട്ടുമണിയോടെയായിരുന്നു സംഭവം. യുപിഎസിൽ നിന്നും തീ പടർന്നതായാണ് പ്രാഥമിക നിഗമനം. വിവരം അറിഞ്ഞ് ബാങ്ക് അധികൃതരും സ്ഥലത്ത് എത്തിയിട്ടുണ്ട്.
Advertisements
