കോട്ടയം : നഗര മധ്യത്തിൽ ബേക്കർ ജംഗ്ഷനിൽ ജോയ് മാളിനു മുന്നിൽ സ്കൂട്ടറിൽ സ്വകാര്യ ബസിടിച്ച് വീട്ടമ്മയ്ക്ക് പരിക്ക്. പരിക്കേറ്റയാളെ തിരിച്ചറിഞ്ഞിട്ടില്ല. ഇവരെ കോട്ടയം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. ഇന്ന് രാവിലെ 9:30 യോടെ ബേക്കർ ജംഗ്ഷനിൽ ജോയ് മാളിന് സമീപം ആയിരുന്നു അപകടം. പാലാ റൂട്ടിൽ സർവീസ് നടത്തുന്ന ചെന്നിക്കര ബസ് ആണ് ഇവരെ ഇടിച്ചത്. ഇവർ സഞ്ചരിച്ചിരുന്ന സ്കൂട്ടറിൽ ബസ് തട്ടുകയായിരുന്നു. തുടർന്ന് റോഡിൽ വീണ ഇവരുടെ കാലിൽ ബസിന്റെ ചക്രങ്ങൾ കയറി. പൊടി കൂടിയ നാട്ടുകാരും ഡ്യൂട്ടിയിൽ ഉണ്ടായിരുന്ന പോലീസും ചേർന്നാണ് ഇവരെ ആശുപത്രിയിൽ എത്തിച്ചത്. ഇവരുടെ പരിക്ക് ഗുരുതരമല്ല.
Advertisements
