കോട്ടയം : വെള്ളൂർ കെ.പി പി.പി എല്ലിൽ വൻ തീ പിടുത്തം. പേപ്പർ പ്രിന്റ് ചെയ്യുന്ന പ്രധാന യന്ത്രം കത്തി നശിച്ചു. വ്യാഴാഴ്ച വൈകിട്ട് 6.15 നായിരുന്നു സംഭവം. സംസ്ഥാന സർക്കാരിന്റെ ഉടമസ്ഥതയിലുള്ള കേരള പേപ്പർ പ്രോഡക്റ്റ് ലിമിറ്റഡിന്റെ പ്രധാന മെഷീനാണ് തീപിടിച്ചത്. വണ്ടിയും പുകയും കണ്ടതോടെ ജീവനക്കാരുടെ നേതൃത്വത്തിൽ ഇവിടെ രക്ഷാപ്രവർത്തനം ആരംഭിക്കുകയായിരുന്നു. അരമണിക്കൂറിലേറെ പരിശ്രമിച്ചെങ്കിലും തീ ഇതുവരെയും നിയന്ത്രണവിധേയമാക്കാൻ സാധിച്ചിട്ടില്ല. വെള്ളൂർ പോലീസും അഗ്നിരക്ഷാ സേനാ സംഘവും സ്ഥലത്ത് എത്തിയിട്ടുണ്ട്. ടി നിയന്ത്രണവിധേയമാക്കാനുള്ള രക്ഷാപ്രവർത്തനം തുടരുകയാണ്.
Advertisements
