കാഞ്ഞിരപ്പള്ളി : കേരളം മുഴുവന്‍ മാലിന്യമുക്തമായി പ്രഖ്യാപിക്കുന്നതിന്‍റെ ഭാഗമായി കാഞ്ഞിരപ്പള്ളി ബ്ലോക്ക് പഞ്ചായത്തിന്‍റെ കീഴിലുള്ള മണിമല, കാഞ്ഞിരപ്പള്ളി, പാറത്തോട്, മുണ്ടക്കയം, കൂട്ടിക്കല്‍, കോരുത്തോട്, എരുമേലി എന്നീ 7 പഞ്ചായത്തുകളിലൂടെ ശുചിത്വസന്ദേശ യാത്ര നടത്തി . ബ്ലോക്ക് പഞ്ചായത്ത് അംഗങ്ങളും, ജീവനക്കാരും, വജ്രജൂബിലി കലാകാരന്‍മാരും, അതാത് പഞ്ചായത്ത് അംഗങ്ങളും, ജീവനക്കാരും, ഹരിതകര്‍മ്മ സേനാംഗങ്ങളുടെയും നേതൃത്വത്തിലാണ് യാത്ര സംഘടിപ്പിച്ചത്.
നമ്മുടെ നാട് മാലിന്യ മുക്തമാക്കുന്നതിന്‍റെ പ്രാധാന്യം വിളിച്ചറിയിക്കുന്നതിനാണ് ഈ യാത്ര സംഘടിപ്പിച്ചത്. ഏപ്രില്‍ 2ാം തീയതി രാവിലെ 9 മണിക്ക് കോരുത്തോട് സ്കൂള്‍ ജംഗ്ഷനില്‍ നിന്ന് ആരംഭിച്ച ശുചിത്വ സന്ദേശയാത്ര 10 മണിക്ക് മുണ്ടക്കയം, 11 മണിക്ക് കൂട്ടിക്കല്‍, 12.30ന് പാറത്തോട്, 2.30ന് എരുമേലി, 3.30ന് മണിമല, 4.30ന് കാഞ്ഞിരപ്പള്ളി എന്നീ പഞ്ചായത്തുകളിലൂടെ ശുചിത്വ സന്ദേശയാത്ര കടന്നുപോയി യാത്രയിലുടനീളം കലാജാഥയും, ഫ്ളാഷ് മോബുകളും അണിനിരത്തി കൂടാതെ എല്ലാ മേഖലകളിലും ശുചിത്വസന്ദേശ ലീഫ് ലൈറ്റുകള്‍ വിതരണം ചെയ്യ്തു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
വിവിധ ഗ്രാമപഞ്ചായത്തുകളുടെ നേത്യത്വം വഹിച്ച കോരുത്തോട് ഗ്രാമപഞ്ചായത്ത് പ്രസിഡന്‍റ് ജാന്‍സി.സി.എം,മുണ്ടക്കയം ഗ്രാമപഞ്ചായത്ത് പ്രസിഡന്‍റ് രേഖ ദാസ്, കൂട്ടിക്കല്‍ ഗ്രാമപഞ്ചായത്ത് ബിജോയ് ജോസ്,പാറത്തോട് ഗ്രാമപഞ്ചായത്ത് പ്രസിഡന്‍റ് കെ.കെ ശശികുമാര്‍, എരുമേലി ഗ്രാമപഞ്ചായത്ത് പ്രസിഡന്‍റ് മാറിയാമ്മ സണ്ണി, മണിമല ഗ്രാമപഞ്ചായത്ത് പ്രസിഡന്‍റ് സിറില്‍ തോമസ്, കാഞ്ഞിരപ്പളളി ഗ്രാമപഞ്ചായത്ത് പ്രസിഡന്‍റ് കെ.ആര്‍ തങ്കപ്പന്‍ എന്നിവര്‍ നേത്യത്വം നല്‍കി.കാഞ്ഞിരപ്പള്ളി ബ്ലോക്ക് പഞ്ചായത്ത് പ്രസിഡന്‍റ് അജിതാ രതീഷ് അദ്ധ്യക്ഷത വഹിച്ച യോഗത്തില്‍ ജില്ലാപഞ്ചായത്ത് പ്രസിഡന്‍റ് ഹേമലത പ്രേംസാഗര്‍ ശുചിത്ര സന്ദേശയാത്ര ഉദ്ഘാടനം നിര്‍വ്വഹിച്ചു.
ജില്ലാ പഞ്ചായത്ത് അംഗങ്ങളായ ശുഭേഷ് സുധാകരന്‍, പി.ആര്‍. അനുപമ, ജെസിഷാജന്‍ ബ്ലോക്ക് പഞ്ചായത്ത് വൈസ് പ്രസിഡന്‍റ് ജോളി മടുക്കക്കുഴി സ്ഥിരം സമിതി ചെയര്‍മാന്‍മാരായ റ്റി.ജെ. മോഹനന്‍, ഷക്കീല നസീര്‍, റ്റി.എസ്. കൃഷ്ണകുമാര്‍, ജോഷി മംഗംലം, കെ.എസ്. എമേഴ്സണ്‍, പി.കെ. പ്രദീപ്, രത്നമ്മ രവീന്ദ്രന്‍, അനു ഷിജു, ഡാനി ജോസ്, ബി ഡി ഒ ഫൈസൽ തുടങ്ങിയവര്‍ വിവിധ പരിപാടികള്‍ക്ക് നേതൃത്വം നല്‍കി.