കോട്ടയം : ജോലിസ്ഥലത്ത് നിന്നും വീട്ടിലേക്ക് മടങ്ങും വഴി യുവതിയെ ആക്രമിച്ച കേസിൽ ഒരാളെ പോലീസ് അറസ്റ്റ് ചെയ്തു. പനച്ചിക്കാട് മൂലവട്ടം എടുത്തുംകടവിൽ വീട്ടിൽ രാജു മകൻ ഉണ്ണി എന്ന് വിളിക്കുന്ന ലിജുമോൻ രാജു (25) എന്നയാളെയാണ് ചിങ്ങവനം പോലീസ് അറസ്റ്റ് ചെയ്തത്. ഇയാൾ കഴിഞ്ഞ ദിവസം മുപ്പായിക്കാട് സ്വദേശിനിയായ യുവതിയെ കൊച്ചപ്പൻ ചിറ ഭാഗത്ത് വച്ച് ആക്രമിക്കുകയായിരുന്നു. യുവതി ഇയാൾക്കെതിരെ മുൻപ് പോലീസ് സ്റ്റേഷനിൽ പരാതി നൽകിയിരുന്നു.
ഇതിനോടുള്ള വിരോധം മൂലമാണ് ഇയാൾ യുവതിയെ ആക്രമിച്ചത്. യുവതിയുടെ പരാതിയെ തുടർന്ന് ചിങ്ങവനം പോലീസ് കേസ് രജിസ്റ്റർ ചെയ്യുകയും ഇയാളെ പിടികൂടുകയുമായിരുന്നു. ചിങ്ങവനം സ്റ്റേഷൻ സ്റ്റേഷൻ ഹൗസ് ഓഫിസർ ഇൻസ്പെക്ടർ ജിജു ടി. ആർ, എസ്.ഐ അനീഷ് കുമാർ, ബിനീഷ് , സി.പി.ഓ മാരായ സതീഷ് എസ്, സലമോൻ, റെജിൻലാൽ എന്നിവർ ചേർന്നാണ് ഇയാളെ അറസ്റ്റ് ചെയ്തത്. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
