ഈരാറ്റുപേട്ട: പൂഞ്ഞാർ തെക്കേക്കര ആലുംതറ കൂട്ടിക്കൽ റോഡിൽ ഓട്ടോറിക്ഷ മറിഞ്ഞുണ്ടായ അപകടത്തിൽ ഒരാൾ മരിച്ചു. കൂട്ടിക്കൽ സ്വദേശി ഹനീഫ (49) ആണ് മരിച്ചത്. ഞായറാഴ്ച വൈകിട്ട് നാല് മണിയോടെയാണ് അപകടമുണ്ടായത്.കൂട്ടിക്കലിൽ നിന്നും ആലുംതറയിലേയ്ക്കുള്ള റൂട്ടിൽ കൊട്ടുകാപ്പള്ളി വളവിന് സമീപമാണ് അപകടമുണ്ടായത്. വാഹനത്തിന്റെ ഗിയർ സ്ളിപ്പായി കുത്തനെ ഇറക്കമുള്ള ഈ പാതയിൽ മറിഞ്ഞ ഓട്ടോ പലതവണ മറിയുകയായിരുന്നു എന്നാണ് ലഭിക്കുന്ന വിവരം.ഓട്ടോയിൽ 3 പേരാണ് ഉണ്ടായിരുന്നത്. മറ്റ് രണ്ട് പേർക്ക് സാരമായ പരിക്കില്ലെന്നാണ് വിവരം. അപകടത്തിൽ മരിച്ച ഹനീഫയുടെ മൃതദേഹം ഈരാറ്റുപേട്ടയിലെ സ്വകാര്യ ആശുപത്രിയിലേയ്ക്ക് മാറ്റി. ഈരാറ്റുപേട്ട പോലീസ് മേൽനടപടികൾ സ്വീകരിച്ചു. ഭാര്യ: അനീഷ മക്കൾ: അൽഫിയ (വിദ്യാർത്ഥി ) അൽഫിന (കൂട്ടിയ്ക്കൽ സെന്റ് ജോർജ് 7-ാം ക്ലാസ് വിദ്യാർത്ഥി.
Advertisements
