കോട്ടയം: വൈക്കം വെച്ചൂരിൽ യാത്രക്കിടയിൽ കെ.എസ്.ആർ.ടി.സി ഓർഡിനറി ബസിൻ്റെ പിൻഭാഗത്തെ ചക്രം ഊരി തെറിച്ചു പോയി. ചേർത്തലയിൽ നിന്നും ഇടയാഴം വഴി കോട്ടയം പോകുന്ന കെ.എസ്. ആർ.ടി.സി ബസിൻ്റെ ടയറാണ് ഊരി പോയത്. വ്യാഴാഴ്ച വൈകിട്ട് ഏഴിന് വേരുവള്ളിയിലായിരുന്നു സംഭവം. ബസിൽ നിറയെ യാത്രക്കാരുണ്ടായിരുന്നെങ്കിലും ആർക്കും പരിക്കില്ല. മറ്റൊരു ബസിൽ യാത്രക്കാരെ കയറ്റി വിട്ടു. അപകടത്തെ തുടർന്ന് വൈക്കം -വെച്ചൂർ റോഡിൽ ഗതാഗതവും തടസപ്പെട്ടു.
Advertisements
