കോട്ടയം : എം സി റോഡിൽ കോട്ടയം മുളങ്കുഴയിൽ വാഹനാപകടം. നിയന്ത്രണം നഷ്ടമായ ഐഷർ ലോറി മൂന്ന് കടയിലേയ്ക്ക് ഇടിച്ച് കയറി. അപകടത്തിൽ ആർക്കും പരിക്കില്ല. ചൊവ്വാഴ്ച പുലർച്ചെ ആയിരുന്നു അപകടം. മുളങ്കുഴയിൽ പ്രവർത്തിക്കുന്ന അലുമിനിയം മാർട്ട് , ശ്രീലക്ഷ്മി ഫിനാൻസ് , സമീപത്തെ ചൂരൽ കട എന്നിവിടങ്ങളിലേയ്ക്കാണ് ലോറി ഇടിച്ച് കയറിയത്. ഇടിയുടെ ആഘാതത്തിൽ മൂന്ന് കടയുടെയും മുൻ ഭാഗം തകർന്നു. കടകളിൽ ആളില്ലാതിരുന്നതിനാൽ വൻ അപകടം ഒഴിവായി. തിരുവനന്തപുരത്ത് നിന്നും എറണാകുളം ഭാഗത്തേയ്ക്ക് പോകുകയായിരുന്നു ലോറി. അപകടത്തെ തുടർന്ന് കടകൾക്ക് സാരമായ കേടുപാട് ഉണ്ടായിട്ടുണ്ട്. സ്ഥാപന ഉടമകൾ ലോറി ഉടമയെ വിളിച്ചെങ്കിലും അനുകൂല സമീപനം അല്ല ഉണ്ടായത്. സംഭവം അറിഞ് ചിങ്ങവനം പൊലീസും സ്ഥലത്ത് എത്തി.
Advertisements
