കോട്ടയം : കോട്ടയം നഗരമധ്യത്തിലെ കുഴികൾ വാഹനങ്ങൾക്ക് ഭീഷണിയാവുന്നു. കോട്ടയം ബേക്കർ ജംഗ്ഷനിലെ സിഗ്നലിന് സമീപമാണ് യാത്രക്കാരെ വീഴ്ത്തുന്ന കിടങ്ങുപോലുള്ള കുഴികൾ ഇപ്പോൾ രൂപപ്പെട്ടിരിക്കുന്നത്. നേരത്തെ ഇവിടുത്തെ സിഗ്നലിൽ നഗരത്തിലേക്കു പോകുന്ന ഭാഗത്ത് മീഡിയനുക്കൾ സ്ഥാപിച്ചിരുന്നു. എന്നാൽ ഇപ്പോൾ ഈ മീഡിയന്‍റെ വലിപ്പം കുറച്ച് റോഡിന് വീതി കൂട്ടിയിരിക്കുകയാണ്. എന്നാൽ റോഡിലെ മീഡിയൻ പൊളിച്ചുമാറ്റിയ ഭാഗത്തെ കുഴികൾ ഇതുവരെയും മൂടിയിട്ടില്ല അതുകൊണ്ട് തന്നെ വലിയ അപകട കെണിയായി മാറിയിരിക്കുകയാണ് ഇത്.
ഇപ്പോൾ കുഴി വലുതായതോടെ ഇരുചക്രവാഹനങ്ങൾ ദിനംപ്രതി അപകടത്തിൽപെടുന്നത് പതിവ് കാഴ്ച്ചയാണ്.കുഴികൾ രൂപപ്പെട്ടത്തോടെ സിഗ്നലിൽ വലിയ വാഹനങ്ങൾക്കു പുറകെ പോവുന്ന ഇരുചക്രവാഹനങ്ങൾ നേരെ കുഴിയിലേക്ക് ആണ് ചാടുന്നത്. മഴ ശക്തമായതോടെ മഴവെള്ളം കുഴിയിൽ നിറഞ്ഞുകിടക്കുന്ന അവസ്ഥയാണ് ഇപ്പോൾ. കാലവർഷം ശക്തമായതോടെ നഗരത്തിലെ പല റോഡുകളിലും കുഴി രൂപ്പപ്പെടുന്ന സാഹചര്യം ആണ് ഇപ്പോൾ.