കടുത്തുരുത്തി : പ്രസ്സ് ക്ലബ്ബില്‍ ക്രിസ്തുമസ്, ന്യൂ ഇയര്‍ ആഘോഷം നടത്തി. പ്രസ്സ് ക്ലബ്ബിലെ അംഗവും പ്രസിദ്ധ സംഗീതജ്ഞനുമായ ആയാംകുടി വാസുദേവന്‍ നമ്പൂതിരി ആഘോഷ പരിപാടികള്‍ ഉദ്ഘാടനം ചെയ്തു. കേക്ക് മുറിച്ചു വാസുദേവന്‍ നമ്പൂതിരി അംഗങ്ങള്‍ക്ക് വിതരണം ചെയ്തു. പ്രസ്സ് ക്ലബ്ബ് പ്രസിഡന്റ് ബിജു ഇത്തിത്തറ യോഗത്തില്‍ അധ്യക്ഷത വഹിച്ചു. പ്രസ്സ് ക്ലബ്ബ് സെക്രട്ടറി ബൈജു പെരുവ മുഖ്യപ്രഭാഷണം നടത്തി. ആയിരത്തിലധികം വേദികളില്‍ സംഗീത സദസ്സ് അവതരിപ്പിക്കുകയും തുടര്‍ച്ചയായി 42 വര്‍ഷം കടുത്തുരുത്തി തളിയില്‍ മഹാദേവ ക്ഷേത്രത്തില്‍ സംഗീതസദസ്സ് നടത്തി ചരിത്രത്തിന്റെ ഭാഗമായി മാറിയ ആയാംകുടി വാസുദേവന്‍ നമ്പൂതിരിയെ യോഗത്തില്‍ ആദരിച്ചു. പ്രസ്സ് ക്ലബ്ബ് വൈസ് പ്രസിഡന്റുമാരായ സുജിത്ത് ബാലകൃഷ്ണന്‍, എ.ആര്‍. രവീന്ദ്രന്‍, പ്രസ്സ് ക്ലബ്ബ് ട്രഷറര്‍ അജേഷ് ജോണ്‍, രാജേഷ് കുര്യനാട്, സുനിത സജി, അനീഷ് പിറവം തുടങ്ങിയവര്‍ പ്രസംഗിച്ചു. ആഘോഷ പരിപാടികളുടെ ഭാഗമായി കേക്ക് വിതരണവും വിഭവസമൃദ്ധമായ സദ്യയും നടന്നു.
