കോട്ടയം ജില്ലയിൽ അഞ്ചു കന്നുകാലികൾക്കുംരണ്ട് ആടിനും രോഗം റിപ്പോർട്ട് ചെയ്തു

രണ്ട് ആടിനും രോഗം റിപ്പോർട്ട് ചെയ്തു

കോട്ടയം: ജില്ലയിൽ കെ.എസ്. സുപ്രീം കാലിത്തീറ്റ കഴിച്ച അഞ്ചു കന്നുകാലികൾക്കും രണ്ട് ആടുകൾക്കും രോഗം റിപ്പോർട്ടു ചെയ്തതായി ജില്ലാ മൃഗസംരക്ഷണ ഓഫീസർ ഡോ. ഷാജി പണിക്കശേരി അറിയിച്ചു. ആർപ്പൂക്കര- രണ്ട്   കന്നുകാലി, രണ്ട് ആട്, ഞീഴൂർ,അതിരമ്പുഴ, നീണ്ടൂർ-ഒന്നു വീതം എന്നിങ്ങനെയാണ്  രോഗബാധ റിപ്പോർട്ട് ചെയ്തത്.  

വിശപ്പില്ലായ്മ, വയറിളക്കം, മന്ദത, പാലുൽപാദനക്കുറവ് എന്നിവയല്ലാതെ ഗൗരവമായ സ്ഥിതിവിശേഷം റിപ്പോർട്ട് ചെയ്തിട്ടില്ലെന്നു ചീഫ് വെറ്ററിനറി ഓഫീസർ ഡോ. പി.കെ. മനോജ് കുമാർ അറിയിച്ചു.  ചീഫ് ഡിസീസ് ഇൻവെസ്റ്റിഗേഷൻ ഓഫീസറുടെ നേതൃത്വത്തിലുള്ള സംഘം ഭക്ഷ്യവിഷബാധ സംബന്ധിച്ചസ്ഥിതി വിലയിരുത്തുന്നതിനായി ക്ഷീരകർഷകരുടെ വീടുകൾ സന്ദർശിച്ചു.