കോട്ടയം: ലൂര്‍ദ് പബ്ലിക് സ്‌കൂള്‍ ആന്‍ഡ് ജൂനിയര്‍ കോളേജില്‍ ഓഗസ്റ്റ് 06 മുതല്‍ 09 വരെ നടന്ന ലൂര്‍ദിയന്‍ ബാസ്‌കറ്റ് ബോള്‍ ടൂര്‍ണമെന്റുമായി ബന്ധപ്പെട്ടു പത്രങ്ങളില്‍ പ്രസിദ്ധികരിച്ച മികച്ച സ്പോര്‍ട്സ് വാര്‍ത്താ ചിത്രത്തിനുള്ള 10001 രൂപയും ഫലകവുമടങ്ങിയ അവാര്‍ഡിന് മാതൃഭൂമിയിലെ സീനിയര്‍ ന്യൂസ് ഫോട്ടോഗ്രാഫര്‍ ജി. ശിവപ്രസാദ് അര്‍ഹനായി ഓഗസ്റ്റ് 09 നു മാതൃഭൂമി പ്രസിദ്ധികരിച്ച ചിത്രമാണ് ശിവപ്രസാദിന് അവാര്‍ഡ് നേടിക്കൊടുത്തത്.
രണ്ടാം സ്ഥാനത്തിന് രണ്ടു പേര്‍ അര്‍ഹരായി. ഓഗസ്റ്റ് 09 നു ദേശാഭിമാനിയില്‍ പ്രസിദ്ധികരിച്ച മനു വിശ്വനാഥിന്റെ (ചീഫ് ഫോട്ടോഗ്രാഫര്‍) ചിത്രവും ഇന്ത്യന്‍ എക്‌സ്‌പ്രെസ്സില്‍ പ്രസിദ്ധീകരിച്ച വിഷ്ണു പ്രതാപിന്റെ ചിത്രവും അര്‍ഹമായി.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
മൂന്നാം സ്ഥാനത്തിന് ഓഗസ്റ്റ് 07 നു മലയാള മനോരമയില്‍ പ്രസിദ്ധീകരിച്ച വിഷ്ണു സനലിന്റെ ചിത്രം അര്‍ഹമായി.
7501 രൂപയും ഫലകവുമടങ്ങിയ അവാര്‍ഡ് രണ്ടാം സ്ഥാനത്തിനും, 5001 രൂപയും ഫലകവുമടങ്ങിയ അവാര്‍ഡ് മൂന്നാം സ്ഥാനത്തിനും നല്‍കും.
അവാര്‍ഡുകള്‍ പിന്നീട് സ്‌കൂളില്‍ വച്ച് നടക്കുന്ന ചടങ്ങില്‍ സമ്മാനിക്കുന്നതാണ്.
ഫോട്ടോ വൈഡ് മാഗസിന്‍ എഡിറ്റര്‍ എ.പി.ജോയി, ടൈംസ് ഓഫ് ഇന്ത്യ സ്‌പെഷ്യല്‍ കറസ്‌പോണ്ടന്റ് ജയകൃഷ്ണന്‍ നായര്‍, സീനിയര്‍ ഫോട്ടോഗ്രാഫര്‍ വേണു പി നായര്‍ എന്നിവര്‍ ഉള്‍പ്പെട്ട ജൂറിയാണ് അവാര്‍ഡ് ജേതാക്കളെ തിരഞ്ഞെടുത്തത്.
