കോഴിക്കോട്: കോട്ടക്കലില് നീന്തല് പഠിപ്പിക്കുന്നതിനിടെ മാതാപിതാക്കളുടെ കൈയില്നിന്ന് കുളത്തില് വീണ നാലു വയസുകാരന് മരിച്ചു.ഇന്ത്യന്നൂര് പുതുമനതെക്കെ മഠത്തില് മഹേഷ് ഗംഗാദേവി ദമ്പതികളുടെ മകന് ധ്യാന് നാരായണന് ആണ് മരിച്ചത്. മെയ് 31നായിരുന്നു സംഭവം. വൈകുന്നേരം വീടിനടുത്തുള്ള കുളത്തില് അമ്മയും അഛനും നീന്തല് പഠിപ്പിക്കുന്നതിനിടെ കുട്ടി കുളത്തിലേക്ക് വീഴുകയായിരുന്നു. ഉടൻ കുട്ടിയെ കരക്കെത്തിച്ച് ഉടന് കോട്ടക്കലിലെ ആശുപത്രിയില് പ്രവേശിപ്പിക്കുകയായിരുന്നു. ചികിത്സയിലിരിക്കെ ഇന്ന് രാവിലെ പതിനൊന്നരയോടെ കുട്ടി മരിക്കുകയായിരുന്നു. തിരൂരങ്ങാടി താലൂക്ക് ആശുപത്രിയില് പോസ്റ്റുമോർട്ടത്തിന് ശേഷം മൃതദേഹം ബന്ധുക്കള്ക്ക് വിട്ടുകൊടുത്തു.
Advertisements