കോട്ടയം : കുമാരനല്ലൂർ കൊച്ചാലിൻ ചുവട്ടിൽ ടിപ്പർ ലോറി ബൈക്കിലിടിച്ച് മൂന്ന് യുവാക്കൾക്ക് ഗുരുതര പരിക്ക്. ഒരു ബൈക്കിൽ യാത്ര ചെയ്ത സംക്രാന്തി അടിച്ചിറ സ്വദേശികളായ യുവാക്കൾക്കാണ് അപകടത്തിൽ ഗുരുതര പരിക്കേറ്റത്. മൂന്നുപേരെയും കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. വ്യാഴാഴ്ച വൈകിട്ട് ആറുമണിയോടെ കുമാരനല്ലൂർ കൊച്ചാലും ചൂടിന് സമീപത്തെ വളവിലായിരുന്നു അപകടം. കുമാരനല്ലൂർ ഭാഗത്തുനിന്നും എത്തിയ ബൈക്ക് എതിർ ദിശയിൽ നിന്നും എത്തിയ ടോറസ് ലോറിയിൽ ഇടിക്കുകയായിരുന്നു. ഇടിയുടെ ആഘാതത്തിൽ റോഡിൽ വീണ യുവാക്കളെ ഓടിക്കൂടിയ നാട്ടുകാർ ചേർന്നാണ് കോട്ടയം മെഡിക്കൽ കോളേജ് ആശുപത്രിയിൽ എത്തിച്ചത്. പരിക്കേറ്റവരുടെ നില അതീവ ഗുരുതരമായി തുടരുന്നു.
Advertisements
