മല്ലപ്പള്ളി: കുന്നന്താനം ഗ്രാമ പഞ്ചായത്തിന്റെയും കുടുംബശ്രീ സിഡിഎസിന്റെയും നേതൃത്വത്തില്‍ സംഘടിപ്പിക്കുന്ന ഓണം ഫെസ്റ്റ് ഈ മാസം 28ന് രാവിലെ 10 ന് അഡ്വ. മാത്യു ടി തോമസ് എംഎല്‍എ മാന്താനം ചന്തയില്‍ ഉദ്ഘാടനം ചെയ്യും. ജില്ലാ പഞ്ചായത്ത് പ്രസിഡന്റ് അഡ്വ. ഓമല്ലൂര്‍ ശങ്കരന്‍ ആദ്യ വില്‍പ്പന നിര്‍വഹിക്കും. വിപണന കേന്ദ്ര ഉദ്ഘാടനം കുടുംബശ്രീ ജില്ലാ മിഷന്‍ കോ-ഓര്‍ഡിനേറ്റര്‍ അഭിലാഷ് ദിവാകര്‍ നിര്‍വഹിക്കും. ഗ്രാമപഞ്ചായത്ത് പ്രസിഡന്റ് ശ്രീദേവി സതീഷ് ബാബു അദ്ധ്യക്ഷത വഹിക്കും.
29ന് രാവിലെ 10ന് വനിത സംരംഭകരെ ജില്ലാ കളക്ടര്‍ ഡോ. ദിവ്യ എസ് അയ്യര്‍ ആദരിക്കും. ഗ്രാമപഞ്ചായത്ത് വൈസ് പ്രസിഡന്റ് പ്രൊഫ. എം കെ മധുസൂദനന്‍ നായര്‍ അദ്ധ്യക്ഷത വഹിക്കും. മല്ലപ്പള്ളി ബ്ലോക്ക് പഞ്ചായത്ത് പ്രസിഡന്റ് ബിന്ദു ചന്ദ്രമോഹന്‍ മുഖ്യപ്രഭാഷണം നടത്തും.
18 സ്റ്റാളുകളിലായി 160 കുടുംബശ്രീ അയല്‍ക്കൂട്ടങ്ങളുടെ ഉത്പന്നങ്ങള്‍, പഴവര്‍ഗങ്ങള്‍, പച്ചക്കറികള്‍, ഭക്ഷണ സാധനങ്ങള്‍, രുചി വിഭവങ്ങള്‍, ഗൃഹോപകരണങ്ങള്‍ തുടങ്ങിയവ ലഭ്യമാകും. വിവിധ കലപരിപാടികളും സംഘടിപ്പിക്കും.
കുന്നന്താനം ഗ്രാമ പഞ്ചായത്തിൽ കുടുംബശ്രീ ഓണം ഫെസ്റ്റ് ഉദ്ഘാടനം നാളെ
Advertisements