കോട്ടയം : എം.സി റോഡിൽ കുറവിലങ്ങാട് കാറും, കെഎസ്ആർടിസി ബസും കൂട്ടിയിടിച്ചുണ്ടായ അപകടത്തിൽ മറിച്ചത് ഏറ്റുമാനൂർ സ്വദേശിയായ കാർ യാത്രക്കാരി. ഏറ്റുമാനൂർ കാട്ടാത്തി മാലിയേൽ വീട്ടിൽ സുധാ മോഹനൻ (60) ആണ് മരിച്ചത്.
കാറിലുണ്ടായിരുന്ന
മിനി ജയകുമാർ, മകൻ അശ്വിൻ, സുജാത ,സരളാ എന്നിവരെ ഗുരുതര പരിക്കുകളോടെ മെഡിക്കൽ കോളേജിലും, തെളളകത്തെ സ്വകാര്യ ആശുപത്രിയിലുമായി പ്രവേശിപ്പിച്ചിരിക്കുകയാണ്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ബസ് യാത്രികർ അടക്കം 12 പേർക്കാണ് അപകടത്തിൽ സാരമായി പരിക്കേറ്റത്. കെ.എസ് ആർ ടി സി യാത്രക്കാരായ മൂവാറ്റുപുഴ ആലങ്ങാട് മുളവൂർ ഏലിയാസ് (58), കൊല്ലം അഞ്ചൽ സ്വദേശി രജി (45) വയലാ സ്വദേശി ആശ (42), കൊല്ലം സ്വദേശി ഓമന , കാളിയാർ വണ്ണപ്പുറം സ്വദേശി രമണി , മകൾ നിത്യ എന്നിവരെയാണ് പരിക്കുകൾ കോട്ടയം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചത്.
കൂത്താട്ടുകുളം ഭാഗത്തേക്ക് പോകുകയായിരുന്ന ബസിൽ, എതിർദിശയിൽ മറ്റൊരു വാഹനത്തെ മറികടന്ന് എത്തിയ കാർ ഇടിക്കുകയായിരുന്നു എന്നാണ് വിവരം.
