കുറിച്ചി : കുറിച്ചി ഗവൺമെൻറ് ഹൈ സ്കൂളിൽ ക്ലാസ് നടക്കുന്നതിനിടെ ലാബിനുള്ളിൽ ടൈലുകൾ പൊട്ടിത്തെറിച്ചു. വെള്ളിയാഴ്ച ഉച്ചയോടെയാണ് കുട്ടികൾക്ക് ക്ലാസ് നടക്കുന്നവരുടെ കമ്പ്യൂട്ടറിൽ ലാബിനുള്ളിലെ ടൈലുകൾ പൊട്ടിത്തെറിച്ചത്. മാസങ്ങൾക്ക് മുമ്പ് കുറിച്ചി പഞ്ചായത്തിൽ ഉണ്ടായതിനു സമാനമായ രീതിയിലാണ് സ്കൂളിലും അപകടമുണ്ടായത്. ടൈലുകൾ വൻ ശബ്ദത്തോടെ വിണ്ടു കീറിയത് ഭീതി പടർത്തിയിട്ടുണ്ട്. സ്കൂൾ അധികൃതർ വിവരമറിയിച്ചതോടെ ജില്ലാ പഞ്ചായത്തം പി കെ വൈശാഖ് , പൊതുപ്രവർത്തകൻ അരുൺ ബാബു അടക്കമുള്ള രാഷ്ട്രീയ ഉദ്യോഗസ്ഥ സംഘം സ്ഥലത്തെത്തിയിട്ടുണ്ട്.
വെള്ളിയാഴ്ച ഉച്ചയോടെയാണ് സ്കൂളിൽ സംഭവം ഉണ്ടായത്. കമ്പ്യൂട്ടർ ലാബിൽ പരിശീലനത്തിന്റെ ഭാഗമായി കുട്ടികൾ ഉണ്ടായിരുന്നു. ഈ സമയത്താണ് ലാബിലെ ടൈലുകൾ വൻ ശബ്ദത്തോടെ വിണ്ടു കീറിയത്. പരിഭ്രാന്തരായ കുട്ടികൾ ബഹളമുണ്ടാക്കിയതോടെ അധ്യാപകർ ഓടിയെത്തി. തുടർന്നാണ് പഞ്ചായത്ത് അധികൃതരെ അടക്കം വിവരം അറിയിച്ചത്. ഇവർ നടത്തിയ പരിശോധനയിലാണ് മാസങ്ങൾക്ക് മുമ്പ് കുറച്ച് പഞ്ചായത്തിൽ ഉണ്ടായതിന് സമാനമായ രീതിയിൽ ടൈലുകൾ കീറിയതാണെന്ന് കണ്ടെത്തിയത്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ചൂട് കൂടുതലായതിനെ തുടർന്നാണ് പഞ്ചായത്ത് ഓഫീസിൽ ടൈലുകൾ വിണ്ടു കീറിയിരുന്നതെന്നാണ് കരുതിയിരുന്നത്. എന്നാൽ മഴക്കാലത്ത് സ്കൂളിൽ സമാന രീതിയിൽ അപകടം ഉണ്ടായതിനു പിന്നിലെ പ്രതിഭാസം എന്താണ് എന്നാണ് സംശയിക്കുന്നത്.
