തിരുവല്ല : ഗവ.ആശുപത്രി ഇറക്കത്തിൽ ഉള്ള വളവിൽ നിയന്ത്രണം നഷ്ടപ്പെട്ട ചരക്ക് ലോറി അപകടത്തിൽ പെട്ടു. കൈവരി തകർത്ത ശേഷം ടയർ കടയിലേക്ക് ഇടിച്ചു കയറി. ഇന്ന് പുലർച്ചെ നാലു .മണിയോടെയായിരുന്നു അപകടം. തമിഴ്നാട്ടിൽ നിന്നും തിരുവല്ല മാർക്കറ്റിലേക്ക് പച്ചക്കറിയുമായി എത്തിയ ലോറിയാണ് അപകടത്തിൽപ്പെട്ടത്.
Advertisements
പാതയോരത്ത് ഫുട്പാത്തിലുള്ള കൈവരികളും തകർ ത്ത ശേഷമാണ് ടയർ ഹൗസ് എന്ന കടയിലേക്ക് ലോറി ഇടിച്ചു കയറിയത്. കടയുടെ മുൻവശം പൂർണമായും തകർന്നു. ഏകദേശം ഒന്നര ലക്ഷത്തോളം രൂപയുടെ നാശനഷ്ടം സംഭവിച്ചതായി സ്ഥാപന ഉടമ പറഞ്ഞു. അപകടത്തിൽ ആർക്കും പരിക്കില്ല. തിരുവല്ല പോലീസ് കേസെടുത്തു.
