മല്ലപ്പള്ളി : കർഷകർക്ക് വേണ്ടി അഹോരാത്രം പണിപ്പെട്ട നീതിമാനായ രാഷ്ട്രീയ നേതാവും , നിലപാടുകളിൽ അടിയുറച്ചു നിന്ന ആദർശവാദിയുമായിരുന്നു കെ എം ജോർജ് എന്ന് ആന്റോ ആന്റണി എംപി. കേരള കോൺഗ്രസ് സ്ഥാപക ചെയർമാൻ കെ എം ജോർജിന്റെ 47-ാം ചരമ വാർഷികത്തോടനുബന്ധിച്ച് കേരള കോൺഗ്രസ് കുന്നന്താനം മണ്ഡലം കമ്മറ്റിയുടെ ആഭിമുഖ്യത്തിൽ നടന്ന അനുസ്മരണ സമ്മേളനവും കാരുണ്യ ദിനാഘോഷവും ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.
കേരള കോൺഗ്രസ് മണ്ഡലം പ്രസിഡന്റ് എം എം റജി അദ്ധ്യക്ഷത വഹിച്ച യോഗത്തിൽ ഫ്രാൻസിസ് ജോർജ് എക്സ് എംപി, ജോസഫ് എം പുതുശ്ശേരി എക്സ് എംഎൽഎ , അപു ജോൺ ജോസഫ് , കുഞ്ഞു കോശി പോൾ , അഡ്വ. വർഗീസ് മാമ്മൻ , പ്രൊഫ. ജേക്കബ് എം ഏബ്രഹാം, തോമസ് മാത്യു, മാന്താനം ലാലൻ, ഷിബു പുതുക്കേരിൽ , വി ജെ റജി, ജോൺസൺ കുര്യൻ, ലൈല അലക്സാണ്ടർ , രാജു പീടികപ്പറമ്പിൽ ഗ്രേസി മാത്യു, ധന്യ മോൾ എന്നിവർ പ്രസംഗിച്ചു.
കെ എം ജോർജ് നിലപാടുകളുടെ രാജകുമാരൻ : ആന്റോ ആന്റണി എംപി
Advertisements
