കോട്ടയം: മാങ്ങാനത്ത് വാഹനത്തിന്റെ പാട്‌സ് മോഷണം പതിവാകുന്നു. വർക്ക്‌ഷോപ്പിൽ നിന്നു പോലും വാഹനം അടിച്ച മാറ്റി. കഴിഞ്ഞ ഒരാഴ്ചയ്ക്കിടെ ഒരു കാറും, മറ്റൊരു കാറിന്റെ ടയറുകളുമാണ് അടിച്ചു മാറ്റിയത്. മാങ്ങാനം മുക്കാട്ട് വർക്ക്‌ഷോപ്പിൽ നിന്നാണ് കഴിഞ്ഞ ഞായറാഴ്ച ആദ്യമായി ഒരു വാഹനം മോഷണം പോയത്. സ്വിഫ്റ്റ് ഡിസയർ കാറാണ് അന്ന് മോഷണം പോയത്. ഞായറാഴ്ച മറ്റൊരു ഓട്ടോറിക്ഷയുടെ ബാറ്ററിയും പ്രദേശത്തു നിന്നും മോഷണം പോയിരുന്നു. ഇവിടെ പാർക്ക് ചെയ്തിരുന്ന ഓട്ടോറിക്ഷയിൽ നിന്നാണ് ബാറ്ററി മോഷണം പോയത്.
ഇന്നലെ സമാന രീതിയിൽ കാറിന്റെ നാലു ടയറുകളും മോഷണം പോയിട്ടുണ്ട്. രണ്ടു മോഷണങ്ങളിലും സിസിടിവി ക്യാമറാ ദൃശ്യങ്ങൾ കണ്ടെത്താൻ സാധിച്ചിട്ടില്ല. മാങ്ങാനം പ്രദേശത്ത് നിരവധി വാഹനങ്ങളുടെ പാട്‌സ് സമാന രീതിയിൽ മോഷണം പോയിട്ടുണ്ട്. ഇത്തരത്തിൽ നടന്ന മോഷണത്തിന് പിന്നിലുള്ള സംഘത്തെ കണ്ടെത്തിയില്ലെങ്കിൽ പ്രദേശത്ത് സമാന രീതിയിലുള്ള മോഷണം ആവർത്തിക്കുമെന്ന സംശയമാണ് നാട്ടുകാർക്ക് ഉള്ളത്.
കോട്ടയം മാങ്ങാനത്ത് വാഹനത്തിന്റെ പാട്‌സ് മോഷണം പതിവാകുന്നു; വർക്ക്‌ഷോപ്പിൽ നിന്നു പോലും വാഹനം അടിച്ചു മാറ്റി; കാറിന്റെ ടയറുകൾ വർക്ക്‌ഷോപ്പിൽ നിന്നും കവർന്നു; സംഭവങ്ങൾ എല്ലാം നടന്നത് ഒരാഴ്ചയ്ക്കിടെ
Advertisements
