മണർകാട്: നാലുമണിക്കാറ്റിനു സമീപം നീലാണ്ടപ്പടിയിൽ ബൈക്കും കാറും കൂട്ടിയിടിച്ച് സ്ത്രീ അടക്കം രണ്ടു പേർക്ക് പരിക്ക്. ബൈക്ക് യാത്രക്കാരായ സഹോദരങ്ങൾക്കാണ് അപകടത്തിൽ പരിക്കേറ്റത്. അപകടത്തിൽപ്പെട്ട കാറിനുള്ളിൽ നിന്നും കഞ്ചാവ് കണ്ടെത്തിയതായി നാട്ടുകാർ ആരോപിച്ചു. കാർ യാത്രക്കാർ സംഭവ സ്ഥലത്തു നിന്നും ഓടിരക്ഷപെട്ടു.
മണർകാട് കരോട്ട് വീട്ടിൽ സിജോ സൂസൻ ജേക്കബ് (33), സഹോദരൻ സോജിൻ മാത്യു എന്നിവർക്കാണ് പരിക്കേറ്റത്. വെള്ളിയാഴ്ച രാത്രി പത്തോടെ നാലുമണിക്കാറ്റ് പായിപ്ര റോഡിലാണ് സംഭവം. മണർകാട് റോഡിൽ നിന്നും തിരുവഞ്ചൂർ റോഡിലേയ്ക്ക് വന്ന ബൈക്കിൽ അമിത വേഗത്തിൽ എത്തിയ സ്വിഫ്റ്റ് കാർ ഇടിക്കുകയായിരുന്നു. അപകടത്തെ തുടർന്ന് ബൈക്കിൽ നിന്നും റോഡിലേയ്ക്ക് ബൈക്ക് യാത്രികരായ സഹോദരങ്ങൾ തെറിച്ചു വീണു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
അപകടത്തിൽ പരിക്കേറ്റവരെ മണർകാട് സ്വകാര്യ ആശുപത്രിയിൽ പ്രവേശിപ്പിച്ചു. ഇവരുടെ കൈകൾക്കും കാലിനും പരിക്കേറ്റതായി ആശുപത്രി അധികൃതർ പറഞ്ഞു. ഇവരെ കോട്ടയത്തെ സ്വകാര്യ ആശുപത്രിയിലേക്ക് മാറ്റി. സംഭവത്തെ തുടർന്ന് നാട്ടുകാർ ഓടിയെത്തി.
ഈ സമയം രക്ഷപ്പെടാനായി കാർ റോഡിൽ വട്ടം തിരിച്ചെങ്കിലും കാറിന്റെ ടയർ പൊട്ടി നിയന്ത്രണം വിട്ട് 20 മീറ്ററോളം റോഡരികിലേയ്ക്ക് മാറി. കാറിലുണ്ടായിരുന്ന നാൽവർ സംഘത്തിൽ മൂന്ന് പേർ കടന്നു കളഞ്ഞു. ഒരാളെ പിടികൂടി നാട്ടുകാർ പൊലീസിൽ ഏൽ്പ്പിച്ചു. കാറിൽ നിന്നും കഞ്ചാവ് കണ്ടെടുത്തായും നാട്ടുകാർ ആരോപിച്ചു. സംഭവത്തെ മണർകാട് തുടർന്ന് പൊലീസ് സ്ഥലത്തെത്തി നടപടികൾ സ്വീകരിച്ചു.
