കോട്ടയം : നീലിമംഗലത്ത് നിയന്ത്രണം നഷ്ടമായ ഓട്ടോറിക്ഷയും മിനി ലോറിയും കൂട്ടിയിടിച്ച് ഡ്രൈവർക്ക് പരിക്ക്. പരിക്കേറ്റ ഓട്ടോ ഡ്രൈവറെ കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. ശനിയാഴ്ച രാത്രി എട്ട് മണിയോടെ എം സി റോഡിൽ നീലിമംഗലം പാലത്തിലായിരുന്നു അപകടം. മിനി ലോറി ഏറ്റുമാനൂർ ഭാഗത്തേക്ക് പോകുകയായിരുന്നു. ഓട്ടോറിക്ഷ കോട്ടയം ഭാഗത്തേക്കും. കോട്ടയം ഭാഗത്തേക്ക് പോയ ഓട്ടോറിക്ഷ ഓവർടേക്ക് ചെയ്തു എതിരെ വന്ന മിനി ലോറിയിൽ ഇടിക്കുകയായിരുന്നു ഇടിയുടെ ആഘാതത്തിൽ ഓട്ടോറിക്ഷ ഡ്രൈവർ ഓട്ടോറിക്ഷയിൽ നിന്ന് തെറിച്ചു ഫുട്പാത്തിലേക്ക് വീണു.
ഓടിക്കൂടിയ നാട്ടുകാർ ചേർന്ന് ഇയാളെ കോട്ടയം മെഡിക്കൽ കോളജ് ആശുപത്രിയിൽ എത്തിച്ചു.
ഗാന്ധിനഗർ പോലീസ് എത്തി ഗതാഗതം പുനഃസ്ഥാപിച്ചു.Advertisements
