കോട്ടയം: എം.സി റോഡിൽ ചിങ്ങവനം പുത്തൻപാലത്ത് നാഷണൽ പെർമിറ്റ് ലോറിയും എയ്‌സും കൂട്ടിയിടിച്ചു രണ്ടു പേർക്ക് ഗുരുതര പരിക്ക്. കാവാലം സ്വദേശികളായ പൊന്നപ്പൻ (60), ജോമോൻ (45) എന്നിവർക്കാണ് പരിക്കേറ്റത്. പരിക്കേറ്റ രണ്ടുപേരെയും കോട്ടയം മെഡിക്കൽ കോളേജ് ആശുപത്രി അത്യാഹിത വിഭാഗത്തിൽ പ്രവേശിപ്പിച്ചു. അപകടത്തിൽ എയ്‌സിന്റെ മുൻ ഭാഗം പൂർണമായും തകർന്നു.
Advertisements
കോട്ടയം ഭാഗത്തു നിന്നും ചിങ്ങവനം, ചങ്ങനാശേരി ഭാഗത്തേയ്ക്കു പോകുകയായിരുന്നു എയ്‌സ്. ഈ സമയം എതിർ ദിശയിൽ നിന്നും എത്തിയ നാഷണൽ പെർമിറ്റ് ലോറിയുമായി കൂട്ടിയിടിക്കുകയായിരുന്നു. ഇടിയുടെ ആഘാതത്തിൽ എയ്‌സിന്റെ മുൻ ഭാഗം ഏതാണ്ട് പൂർണമായും തകർന്നു. ഓടിക്കൂടിയ നാട്ടുകാർ ചേർന്നാണ് ഇതുവഴി എത്തിയ വാഹനത്തിൽ പരിക്കേറ്റവരെ ആശുപത്രിയിൽ എത്തച്ചത്. രണ്ടു പേരുടെയും പരിക്ക് ഗുരുതരമാണ് എന്നാണ് റിപ്പോർട്ട്.
