കാണക്കാരി: മിൽക്ക് എ . ടി.എം എന്ന നൂതനമായ ആശയംനടപ്പിലാക്കുന്നതിന്റെ ഭാഗമായി കോട്ടയം കാണക്കാരി
ക്ഷീര സഹകര സംഘത്തിനോട് ചേന്ന് ഉഴവൂർ ബ്ലോക്ക് പഞ്ചായത്ത് 2022-23 വാർഷിക പദ്ധതിയിൽ ഉൾപ്പെടുത്തി ഉഴവൂർ ബ്ലോക്ക് പഞ്ചായത്ത് . ക്ഷേമകാര്യ സ്റ്റാൻഡിംഗ് കമ്മറ്റി ചെയർ പേഴ്സൺ കൊച്ചുറാണി സെബാസ്റ്റ്യന്റെ പദ്ധതി വിഹിതവും കാണക്കാരി ക്ഷീര സഹകരണസംഘവുംസംയുക്തമായിട്ടാണ് ഈപദ്ധതിനടപ്പിലാക്കുന്നത് .
മായം ചേരാത്തതും ശുദ്ധവുമായ പശുവിൻപാൽ ജനങ്ങളിലേയ്ക്ക് എത്തിക്കുന്നതിന് ഈ പദ്ധതി സഹായകരമാണ്.കാണക്കാരി ജംഗ്ഷനിലാണ്
മിൽക്ക് എറ്റിഎം സ്ഥാപിക്കുന്നത്. പ്രദേശത്തെ ക്ഷീര കർഷകർ ഉത്പാദിപ്പി ക്കുന്ന ശുദ്ധമായ പാൽ വിതരണം ചെയ്യുന്ന യ ന്ത്രം സ്ഥാപിക്കുന്നത് .
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
അധികം വൈകാതെ തന്നെ മിൽക്ക് എറ്റി എം പ്രവർത്തനസജ്ജമാകും .
300 ലിറ്റർ സംഭരണശേഷിയുള്ള ഓട്ടോമാറ്റിക് മിൽക് വെൻ ഡിംഗ് മെഷീൻ 24 മണിക്കൂറും പ്രവർത്തനക്ഷമതയുള്ളതാണ്. അഞ്ച്ലക്ഷത്തിലധികം രൂപയാണ് നിർമ്മാണ ചിലവ് .സംഘത്തിൽ നിന്ന് ലഭിയ്ക്കുന്ന സ്മാർട്ട് കാർഡ് ഉപയോഗിച്ചോ . ക്യു.ആർ കോഡ് സ്കാൻ ചെയ്തോ പണം ഉപയോഗിച്ചോ പാൽ ശേഖരിക്കാനാവും.
10 രൂപ മുതലുള്ള നോട്ടുകൾ ഉപയോഗിച്ചും പാൽ ഏതു സമയവും ഇവിടെ നിന്ന് ശേഖരിക്കാം.
ഡൽഹി ആസ്ഥാനമായ പ്യുവർ ലോ എന്ന കമ്പനിയാണ് മെഷീൻ നിർമ്മിച്ചത്. പാൽ സംഭരിക്കുന്ന ടാങ്ക് , പണം ശേഖരിക്കുന്ന ഡോ. കറൻസി ഡിറ്റക്ടർ, കംപ്രസർ , ക്ലിനിങ്ങിനുള്ള മെഷീനുകൾ എന്നിവയാണ് ഇതിലുള്ളത്.
ഉപഭോക്താക്കൾക്ക് ശുദ്ധമായ പശുവിൻപാൽ ലഭിക്കുന്നത് മാത്രമല്ല പ്ലാസ്റ്റിക് മാലിന്യം പൂർണമായും ഒഴിവാക്കുകയെന്ന ലക്ഷ്യം കൂടി ഇതിനുണ്ട്.
1977-ൽ സ്ഥാപിതമായ ക്ഷീര വ്യവസായ സഹകരണ സംഘത്തിൽ നാല് സബ് സെന്ററുകളിൽ നിന്നായി ദിവസേന 1400 ലിറ്റർ പാൽ സംഭരിക്കുന്നുണ്ട് . പാലിന്റെ ഗുണനിലവാരം മെച്ചപ്പെടുത്തുന്നതിനും ഉയർന്ന വില കർഷകർക്ക് ലഭ്യമാക്കുന്നതിലും കാണക്കാരി ക്ഷീര സഹകരണ സംഘം മുന്നിലാണന്ന് സഹകരണ സംഘം പ്രസിഡണ്ട് പി വി മാത്യു പറഞ്ഞു .
ക്ഷീര കർഷകർ ഉൽപ്പാദിപ്പിക്കുന്ന ശീതീകരിച്ചു സൂക്ഷിക്കുന്ന ശുദ്ധമായ പാൽ 24 മണിക്കൂറും ഉപഭോക്താക്കൾക്ക് ലഭ്യമാക്കുകയും അതിലൂടെ മെച്ചപ്പെട്ട വില ക്ഷീരകർഷകർക്ക് ഉറപ്പാക്കുകയും ആണ് ഈ പദ്ധതിയിലൂടെ ലക്ഷ്യമാക്കുന്നത് .
24 മണിക്കൂറും മിൽക്ക് എ.ടി. എം പ്രവർത്തിക്കും
72 മണിക്കൂർ വരെ പാൽ കേടു കൂടാതെ സൂക്ഷിക്കാം
10 രൂപമുതലുള്ള നോട്ടുകൾ ഉപയോഗിച്ചു പാൽ ശേഖരിക്കാo
