കോരുത്തോട്: മുണ്ടക്കയം റോഡിൽ വരിക്കാനി കള്ള് ഷാപ്പിന് സമീപം ബൊലേറോ കാറും ഓട്ടോയും കൂട്ടിയിടിച്ച് അപകടം. നിയന്ത്രണം വിട്ട ബൊലേറോ ഓട്ടോയിൽ ഇടിക്കുകയായിരുന്നു. അപകടത്തെ തുടർന്ന് ബൊലേറോ കാർ സമീപത്തെ വീടിന്റെ മുറ്റത്തേയ്ക്ക് ഇടിച്ച് ഇറങ്ങി, അപകടത്തിൽ ഓട്ടോയുടെ മുൻവശം പൂർണമായും തകർന്നു, ഉടൻ ഓടി കൂടിയ നാട്ടുകാരും യാത്രക്കാരും ചേർന്ന് ഓട്ടോ ഡ്രൈവറെ അടുത്ത സ്വകാര്യ ആശുപത്രിയിൽ പ്രവേശിപ്പിച്ചു. ബൊലേറോ കാർ ഓടിച്ച ഡ്രൈവറിന്റെ നിയന്ത്രണം നഷ്ടമായയതാണ് അപകടകാരണമെന്ന് പ്രദേശവാസികൾ പറഞ്ഞു. മുണ്ടക്കയം അമരാവതി സ്വദേശിയാണ് ഓട്ടോ ഡ്രൈവർ എന്നാണ് പ്രാഥമിക വിവരം. ഇവരെ നിസ്സാരപരിക്കുകളോടെ കാഞ്ഞിരപ്പള്ളിയിലെ സ്വകാര്യ ആശുപത്രിയിൽ പ്രവേശിപ്പിച്ചു.
Advertisements
