കോട്ടയം : പുതുവർഷ ആഘോഷങ്ങൾക്കിടെ പടക്കം പൊട്ടിച്ചപ്പോൾ തെങ്ങിന് തീ പിടിച്ചത് അണയ്ക്കാൻ കയറിയ യുവാവ് തെങ്ങിൽ നിന്ന് വീണ് മരിച്ചു. കുറിച്ചി സചിവോത്തമപുരം കൊച്ചുപറമ്പിൽ വിനീത് (43) ആണ് മരിച്ചത്. ന്യൂ ഇയർ ആഘോഷങ്ങളുടെ ഭാഗമായി ശനിയാഴ്ച വൈകിട്ട് നടന്ന ആഘോഷങ്ങൾക്കിടയാണ് കുറിച്ചി സ്വദേശികൾ പടക്കം പൊട്ടിച്ചത്. ഇതിനിടെ ഇവിടെ നിന്ന തെങ്ങിന് തീ പിടിക്കുകയായിരുന്നു. ഇതോടെ വിനീത് തെങ്ങിനെ മുകളിൽ കയറി തീ അണക്കാൻ ശ്രമിച്ചു. ഇതിനിടെ പിടിവിട്ട് തലയടിച്ച് താഴെ വീട് മരണം സംഭവിക്കുകയായിരുന്നു. ഓടിക്കൂടിയ നാട്ടുകാർ ചേർന്ന് ആശുപത്രിയിൽ എത്തിച്ചെങ്കിലും മരണം സംഭവിച്ചു. സംസ്കാരം ജനുവരി ഒന്ന് തിങ്കളാഴ്ച വൈകിട്ട് അഞ്ചിന് വീട്ടുവളപ്പിൽ.
Advertisements
