കോട്ടയം: ഉമ്മൻ ചാണ്ടിയുടെ ഖബറിൽ എത്തി പൊട്ടിക്കരഞ്ഞ തങ്കമ്മയ്ക്ക് സഹായവുമായി യൂത്ത് കോൺഗ്രസ് പ്രവർത്തകർ. ചാണ്ടി ഉമ്മൻ്റെ പ്രചാരണ ദിവസം ഇദ്ദേഹത്തിന് മുന്നിലെത്തി പൊട്ടിക്കരഞ്ഞ പത്തനംതിട്ട കോട്ടാങ്ങൽ സ്വദേശി ശാന്തമ്മയ്ക്കാണ് സഹായവുമായി യൂത്ത് കോൺഗ്രസ് പ്രവർത്തകർ എത്തിയത്. തങ്കമ്മയുടെ ദുരിതം സംബന്ധിച്ചു ചാണ്ടി ഉമ്മന് മുന്നിൽ പറയുന്ന വീഡിയോ ജാഗ്രതാ ന്യൂസ് ലൈവ് പുറത്ത് വിട്ടിരുന്നു. ഈ വീഡിയ വൈറലായതിനു പിന്നാലെയാണ് യൂത്ത് കോൺഗ്രസ് പ്രവർത്തകർ സഹായവുമായി രംഗത്ത് എത്തിയത്.
പുതുപ്പള്ളിയിൽ ഉമ്മൻ ചാണ്ടിയുടെ ഖബറിൽ എത്തി സങ്കടം അറിയിച്ച വാർത്ത ജാഗ്രത ലൈവ് ന്യൂസിൽ കണ്ടതിന് പിന്നാലെയാണ് സഹായ ഹസ്ഥവുമായി രാജീവ്‌ ഗാന്ധിയുടെ ജന്മദിനത്തിൽ റാന്നി യൂത്ത് കോൺഗ്രസ്സ് പ്രവർത്തകർ എത്തിയത്. ഖത്തർ ഇൻകാസിന്റെ പ്രതിനിധി ജോജി മൂലയിലും മറ്റൊരു പ്രവാസിയും അയച്ച ധനസഹായം ശാന്തമ്മയുടെ വീട്ടിൽ എത്തിച്ചു അതോടൊപ്പം ഭക്ഷ്യ കിറ്റും, പച്ചക്കറികളും, ഓണക്കോടിയും നൽകിയപ്പോൾ ശാന്തമ്മയുടെ കണ്ണുകൾ ഈറനണിഞ്ഞു. യൂത്ത് കോൺഗ്രസ്സ് നിയോജകമണ്ഡലം പ്രസിഡന്റ്‌ അഡ്വ.സാംജി ഇടമുറി, കെ.എസ്.യു നിയോജകമണ്ഡലം പ്രസിഡന്റ്‌ റിജോ തോപ്പിൽ, കോട്ടാങ്ങൽ മണ്ഡലം യൂത്ത് കോൺഗ്രസ്സ് പ്രസിഡന്റ്‌ നിഷാദ്‌ മഠത്തുമുറി, ഉദയൻ റാന്നി, ആൻസൺ കാരക്കാട്ട്‌, വിജോ ഷേക്കർസ്പിയർ, പി ടി ശാമുവേൽ, അൻസാരി തുമ്പൂർ എന്നിവർ ഒന്നിച്ചെത്തിയാണ് സഹായം വിതരണം ചെയ്തത്.
