മുട്ടപ്പള്ളി: തിരുവള്ളുവര്‍ ഹൈസ്‌കൂളില്‍ നിന്ന് 2024 മാര്‍ച്ചിലെ എസ്എസ്എല്‍സി പരീക്ഷയില്‍ മികച്ച വിജയം നേടിയ വിദ്യാര്‍ഥികളെ അനുമോദിച്ചു. 1987 ബാച്ച് എസ്എസ്എല്‍സി വിദ്യാര്‍ഥി കൂട്ടായ്മയായ ഓര്‍മക്കൂട്ടത്തിന്റെ നേതൃത്വത്തിലാണ് മികച്ച വിജയം കരസ്ഥമാക്കിയ ആസിയ മുഹമ്മദ്, നിബിന്‍ ഡൊമിനിക് എന്നിവരെ ആദരിച്ചത്. സ്‌കൂള്‍ മാനേജര്‍ മധുമോള്‍ അനുമോദന യോഗം ഉദ്ഘാടനം ചെയ്തു. ഓര്‍മക്കൂട്ടം എക്‌സിക്യൂട്ടീവ് കമ്മിറ്റി അംഗം സി കെ രവീന്ദ്രന്‍ അധ്യക്ഷത വഹിച്ചു.
സ്‌കൂള്‍ മാനേജര്‍ മധുമോള്‍, ഹെഡ്മിസ്ട്രസ് മിനി എന്നിവര്‍ വിദ്യാര്‍ഥികള്‍ക്ക് ക്യാഷ് പ്രൈസും ഉപഹാരവും വിതരണം ചെയ്തു. ഓര്‍മക്കൂട്ടം എക്‌സിക്യൂട്ടീവ് കമ്മിറ്റി അംഗവും സ്‌കൂള്‍ മാനേജിങ് കമ്മിറ്റി സെക്രട്ടറിയുമായ പി അനില്‍കുമാര്‍, പിടിഎ പ്രസിഡന്റ് മനോജ് പി കെ, ഓര്‍മക്കൂട്ടം എക്‌സിക്യൂട്ടീവ് കമ്മിറ്റിയംഗങ്ങളായ റാണി ജോബ്, ജലീല്‍ കെ എസ്, വി ടി സന്തോഷ് കുമാര്‍, സ്‌കൂള്‍ ലീഡര്‍ മിഥുന മനോജ്, ആസിയ മുഹമ്മദ്, നിബിന്‍ ഡൊമിനിക് സംസാരിച്ചു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ഓര്‍മക്കൂട്ടം പൂര്‍വ വിദ്യാര്‍ഥി കൂട്ടായ്മ കഴിഞ്ഞ നാല് വര്‍ഷമായി പാഠ്യ-പാഠ്യേതര പ്രവര്‍ത്തനങ്ങളില്‍ സജീവമായി ഇടപെട്ട് വിദ്യാര്‍ഥികളുടെ അക്കാദമിക നിലവാരം ഉയര്‍ത്തുന്നതിനായി പ്രവര്‍ത്തിച്ചു വരികയാണ്. കൂടാതെ പൂര്‍വ വിദ്യാര്‍ഥികള്‍ ഉള്‍പ്പെടെയുള്ളവരുടെ സാമൂഹിക പുരോഗതിക്കുവേണ്ടിയും നിരാലംബര്‍ക്ക് കൈത്താങ്ങായി സാമ്പത്തിക സഹായം നല്‍കിയും സേവന- പ്രവര്‍ത്തനങ്ങളിലൂടെ ‘ഓര്‍മക്കൂട്ടം’ മാതൃകയാവുകയാണ്.
