പൈകയിൽ ഓണം ഖാദി മേള തുടങ്ങി

പൈകയിൽ ആരംഭിച്ച ഓണം ഖാദി മേള മീനച്ചിൽ ഗ്രാമ പഞ്ചായത്ത് പ്രസിഡന്റ് സോജൻ തൊടുക ഉദ്ഘാടനം ചെയ്യുന്നു. സാജൻ തൊടുക, കെ.എസ്.രമേഷ് ബാബു, പ്രസാദ് കൊണ്ടൂപ്പറമ്പിൽ എന്നിവർ സമീപം

പാലാ: പൈക അഗ്രികൾച്ചറൽ ഇംപ്രൂവ്മെന്റ് സൊസൈറ്റിയുടെയും ലയൺസ് ക്ലബ്ബ് സെൻട്രലിന്റെയും നേതൃത്വത്തിൽ ജില്ലാ ഖാദി ഗ്രാ മ വ്യവയായവകുപ്പിന്റെ ഓണം ഖാദി മേള പൈക നരിതൂക്കിൽ ആർക്കേ ഡിൽ തുടങ്ങി. മീനച്ചിൽ ഗ്രാമ പഞ്ചായത്ത് പ്രസിഡന്റ് സോജൻ തൊടുക മേള ഉദ്ഘാടനം ചെയ്തു.

സംസ്ഥാന ഖാദി ഗ്രാമ വ്യവസായ ബോർഡ് അംഗം കെ.എസ്.രമേഷ് ബാബു അധ്യക്ഷത വഹിച്ചു.ഖാദി ബോർഡ് അംഗം സാജൻ തൊടുക മുഖ്യപ്രഭാഷണം നടത്തി. എലിക്കുളം ഗ്രാമ പഞ്ചായത്ത് പ്രസിഡന്റ് ജിമ്മിച്ചൻ ഈറ്റത്തോട്ട്ആദ്യ വില്പനയും എലിക്കുളം ഗ്രാമപഞ്ചായത്ത് അംഗംസിനി ജോയി കുന്നേൽ സമ്മാന കൂപ്പൺന്റെ ഉദ്ഘാടനവും നിർവ്വഹിച്ചു.

ജോസ് ടോം, പ്രസാദ് കൊണ്ടൂപ്പറമ്പിൽ,മാത്തച്ചൻ നരിതൂക്കിൽ, തോമസ്കുട്ടി വട്ടയ്ക്കാട്ട്, ഖാദി ജില്ലാ പ്രോജക്ട് ഓഫീസർ ജസ്സി ജോൺ എന്നിവർ പ്രസംഗിച്ചു. ഖാദി തുണിത്തരങ്ങൾക്ക് 30% സർക്കാർ റിബേറ്റും സർക്കാർ, അർധ സർക്കാർ, പപൊതുമേഖലാ, സഹകരണ സ്ഥാപനങ്ങളിലെ ജീവനക്കാർക്ക് ഒരു ലക്ഷം രൂപ വരെ ക്രഡിറ്റ് സൗകര്യവും സെപ്തം.

4 വരെസംസ്ഥാനത്തെ എല്ലാ ഖാദി ഗ്രാമ സൗഭാഗ്യകളിൽ നിന്നും ലഭിക്കും.ഖാദി ഷർട്ട്, മുണ്ടുകൾ,കൊട്ടാടി തോർത്ത്, ജൂട്ട് സിൽക്ക് സാരി, കുപ്പടം സാരി, കോട്ടൺ സാരി, ചുരിദാർ സെറ്റുകൾ, ബെഡ് ഷീറ്റ്, ഗ്രാമ വ്യവസായ ഉൽപ്പന്നങ്ങളായ തേൻ, മരച്ചക്കിലാട്ടിയ എള്ളെണ്ണ, സോപ്പ്, പശ തുടങ്ങിയവയും മേളയിൽസജ്ജമാക്കിയിട്ടുണ്ട്. ഓരോ ആയിരം രൂപയുടെ പർച്ചേസിനും ഓരോ സമ്മാന കൂപ്പൺ നൽകും. മേള ഇന്ന് വൈകിട്ട് 5 മണിക്ക് സമാപിക്കും.