പ്ലസ് ടു; ജില്ലയിൽ വിജയം 78.53 % ; ഉപരിപഠനത്തിന് അർഹരായത് 15597 പേർ

കോട്ടയം: കോട്ടയം ജില്ലയിൽ പ്ലസ് ടു പരീക്ഷയിൽ ഉപരിപഠനത്തിന് അർഹരായത് 15597 പേർ. വിജയശതമാനം 78.53. എല്ലാ വിഷയങ്ങൾക്കും എ പ്ലസ് നേടിയത് 2283 പേരാണ്.  131 സ്‌കൂളിലായി 19860 വിദ്യാർഥികളാണ് പരീക്ഷ എഴുതിയത്.

ടെക്‌നിക്കൽ സ്‌കൂൾ വിഭാഗത്തിൽ 50 ശതമാനമാണ് വിജയം. 114 പേർ പരീക്ഷ എഴുതിയപ്പോൾ 58 പേർ ഉപരിപഠനത്തിന് അർഹരായി. എല്ലാ വിഷയങ്ങളിലും എ പ്ലസ് നേടിയത് ഒരു വിദ്യാർഥി മാത്രം.

ഓപ്പൺ സ്‌കൂൾ വിഭാഗത്തിൽ 225 വിദ്യാർഥികൾ പരീക്ഷ എഴുതിയപ്പോൾ 128 പേർ ഉപരിപഠനത്തിന് അർഹരായി. വിജയശതമാനം 56. എല്ലാ വിഷയത്തിലും എ പ്ലസ് അഞ്ചു വിദ്യാർഥികൾക്കും.