മല്ലപ്പള്ളി :
യു ഡി എഫ് കോട്ടാങ്ങൽ മണ്ഡലം കമ്മറ്റിയുടെ നേതൃത്വത്തിൽ ബഹുജന പങ്കാളിത്തത്തോടെ പഞ്ചായത്തിലെ വിവിധ മേഖലകളിലെ അവഗണനയിൽ പ്രതിഷേധിച്ച് ചുങ്കപ്പാറ ജംഗ്ഷനിൽ പ്രതിഷേധ സംഗമം നടത്തി. ചുങ്കപ്പാറ – കോട്ടാങ്ങൽ (സി.കെ) റോഡിന്റെ ശോചനീയ സ്ഥിതിയും , യാത്രാ ബുദ്ധിമുട്ടും, പൊടിശല്യവും പരിഹരിക്കുക, ചുങ്കപ്പാറ ബസ് സ്റ്റാൻഡിന്റെ നവീകരണം പൂർത്തീകരിക്കുക, വിവിധ മേഖലകളിൽ രൂക്ഷമായി അനുഭവപ്പെടുന്ന കുടിവെള്ള ക്ഷാമത്തിന് അടിയന്തിര പരിഹാരം കാണുക തുടങ്ങി കോട്ടാങ്ങൽ പഞ്ചായത്തിലെ വിവിധ ജനകീയ പ്രശ്നങ്ങൾ ഉയർത്തി കാട്ടുന്നതിനായി പ്രതിഷേധ സംഗമം നടത്തിയത്.
യു ഡി എഫ് കോട്ടാങ്ങൽ മണ്ഡലം ചെയർമാൻ സക്കീർ ഹുസൈയിന്റെ അദ്ധ്യക്ഷതയിൽ ചുങ്കപ്പാറയിൽ ചേർന്ന യോഗം കൺവീനർ ഒ എൻ സോമശേഖരപ്പണിക്കർ ഉൽഘാടനം ചെയ്യ്തു . യു ഡി എഫ് നേതാക്കളായ എം കെ എം ഹനീഫ , ജോസി ഇലഞ്ഞിപ്പുറം, അസീസ് ചുങ്കപ്പാറ, ജോയി ജോൺ , ജയിംസ് മണപ്ലാക്കൽ, സലിം ഓലിക്ക പ്ലാവിൽ , സുജിത്ത് പുത്തൻ പുരയ്ക്കൽ, സലാം പള്ളിക്കൽ, അബ്ദുൾ അസിസ്, മനു വായ്പ്പൂര് എന്നിവർ പ്രസംഗിച്ചു.
