ഏറ്റുമാനൂർ : ബെല്ലെസ എന്ന പേരിൽ കയ്യെഴുത്തു മാസിക തയ്യാറാക്കി അതിരമ്പുഴ സെന്റ് മേരിസ് ഗേൾസ് ഹൈസ്കൂളിലെ എട്ടാം ക്ലാസ് ഇ ഡിവിഷനിലെ വിദ്യാർഥിനികൾ. 150 പേജ് ഉള്ള ഈ കയ്യെഴുത്ത് മാസികയിൽ മലയാളം, ഇംഗ്ലീഷ്, ഹിന്ദി, ശാസ്ത്രം ഗണിതശാസ്ത്രം, സാമൂഹിക ശാസ്ത്രം, കമ്പ്യൂട്ടർ എന്നിങ്ങനെ എല്ലാ വിഷയങ്ങളിലും ഉള്ള രചനകൾ ഉൾപ്പെടുത്തിയിട്ടുണ്ട്. മാസികയുടെ പ്രകാശനം സ്കൂൾ ഹെഡ്മിസ്ട്രസ് ലിജി മാത്യു നിർവഹിച്ചു.
കുട്ടികളുടെ സർഗാത്മകശേഷി വർദ്ധിപ്പിക്കുന്ന ഇത്തരം കാര്യങ്ങൾ പ്രോത്സാഹിപ്പിക്കപ്പെടേണ്ടതാണെന്ന് ഹെഡ്മിസ്ട്രസ് പറഞ്ഞു. ഒരാഴ്ചകൊണ്ട് ഈ മാസിക തയ്യാറാക്കിയ കുട്ടികളെ ടീച്ചർ അഭിനന്ദിച്ചു. ക്ലാസ് ടീച്ചർ പോൾ തോമസ് മാസിക ഏറ്റുവാങ്ങി. കുമാരിമാരായ ആഷിത ജോർജ്, ഹർഷ പി. ആർ, അലോന സാറ ബൈജു, തേജസ്.കെ.ആർ,ഗംഗ രാജീവ് എന്നിവർ പരിപാടിക്ക് നേതൃത്വം നൽകി. കുട്ടികളുടെ വിവിധ കലാപരിപാടികളും നടന്നു. പരിപാടിയിൽ പങ്കെടുത്ത എല്ലാ അധ്യാപകർക്കും കുട്ടികൾ മധുര പലഹാരങ്ങൾ വിതരണം ചെയ്തു.
